സംസ്ഥാനത്ത് തെക്ക് പടിഞ്ഞാറന് കാലവര്ഷം സജീവമായി തുടരുന്നു. കേരളത്തിലും ലക്ഷദ്വീപിലും വിവിധ പ്രദേശങ്ങളില് ഒറ്റപ്പെട്ട ശക്തമായ മഴയാണ് കഴിഞ്ഞ മണിക്കൂറുകളില് ലഭിക്കുന്നത്. ഒക്ടോബര് 16 വരെ കേരളത്തിലും ലക്ഷദ്വീപിലും ഇടിയോടുകൂടിയ ഒറ്റപ്പെട്ട മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് അറിയിക്കുന്നു. ഒക്ടോബര് 15 വരെ കേരളത്തിലും ലക്ഷദ്വീപിലും ശക്തമായ മഴയ്ക്കുള്ള മുന്നറിയിപ്പും 16ന് ഇടിമിന്നല് മുന്നറിയിപ്പും പുറപ്പെടുവിച്ചിട്ടുണ്ട്. 7 മുതല് 11സെന്റിമീറ്റര് മഴയാണ് ശക്തമായ മഴ ലഭിക്കുമെന്ന് മുന്നറിയിപ്പ് നല്കിയിരിക്കുന്ന ദിവസങ്ങളില് പ്രതീക്ഷിക്കുന്നത്.
കോഴിക്കോട് ജില്ലയിലെ വടകരയിലാണ് കഴിഞ്ഞ 24 മണിക്കൂറില് ഏറ്റവും കൂടുതല് മഴ ലഭിച്ചത്, കണ്ണൂര്, വെള്ളനിക്കര, പാലക്കാട്, കൊല്ലങ്ങോട്, ചേര്ത്തല, വൈത്തിരി, മാഹി എന്നിവിടങ്ങളില് നാല് സെന്റിമീറ്റര് മഴയും കോഴിക്കോട്, കോന്നി, ചെങ്ങന്നൂര്, കാഞ്ഞിരപ്പള്ളി, എറണാകുളം സൗത്ത്, പീരുമേട്, മൂന്നാര്, തൃത്താല എന്നിവിടങ്ങളില് മൂന്ന് സെന്റിമീറ്റര് മഴയും രേഖപ്പെടുത്തി. വരും ദിവസങ്ങളിലും സംസ്ഥാനത്ത് സമാന കാലാവസ്ഥ തുടരുമെന്ന് കാലാവസ്ഥ വകുപ്പ് അറിയിച്ചു.
ശക്തമായ മഴയ്ക്കുള്ള സാധ്യത കണക്കിലെടുത്ത് അടുത്ത മൂന്ന് ദിവസവും കേരളത്തിലെ വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. പൊതുജനങ്ങളും അധികൃതരും ജാഗ്രത പാലിക്കണമെന്നാണ് യെല്ലോ അലര്ട്ട് കൊണ്ട് അര്ത്ഥമാക്കുന്നത്.
ഇടിമിന്നല് – ജാഗ്രത നിര്ദ്ദേശങ്ങള്
ഇത്തരം ഇടിമിന്നല് അപകടകാരികള് ആണ്. അവ മനുഷ്യ ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും വലിയ നാശനഷ്ടം സൃഷ്ടിക്കുന്നുണ്ട്. സംസ്ഥാന ദുരന്ത നിവാരണ അതോറിറ്റി ഇടിമിന്നലിനെ ഒരു സംസ്ഥാന സവിശേഷ ദുരന്തമായി പ്രഖ്യാപിച്ചിട്ടുണ്ട്.
ആയതിനാല് പൊതുജനങ്ങള് താഴെപ്പറയുന്ന മുന്കരുതല് കാര്മേഘം കണ്ട് തുടങ്ങുന്ന സമയം മുതല് തന്നെ സ്വീകരിക്കേണ്ടതാണ്. ഇടിമിന്നല് ദൃശ്യമല്ല എന്നതിനാല് ഇത്തരം മുന്കരുതല് സ്വീകരിക്കുന്നതില് നിന്നും വിട്ടുനില്ക്കരുത്.
കുട്ടികളുടെ പ്രത്യേക ശ്രദ്ധയ്ക്ക്
– ഉച്ചക്ക് 2 മണി മുതല് രാത്രി 10 മണി വരെ അന്തരീക്ഷം മേഘാവൃതമാണെങ്കില്, തുറസായ സ്ഥലത്തും, ടെറസ്സിലും കളിക്കുന്നത് ഒഴിവാക്കുക
പൊതു നിര്ദ്ദേശങ്ങള്
– ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല് ഉടന് തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക.
– മഴക്കാറ് കാണുമ്ബോള് തുണികള് എടുക്കാന് ടെറസിലേക്കോ, മുറ്റത്തക്കോ ഇടിമിന്നലുള്ള സമയത്ത് പോകരുത്.
– ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക.
– ജനലും വാതിലും അടച്ചിടുക.
– ലോഹ വസ്തുക്കളുടെ സ്പര്ശനമോ സാമീപ്യമോ പാടില്ല. വൈദ്യുതി ഉപകരണങ്ങളുടെ സാമീപ്യവും ഒഴിവാക്കുക.
– ടെലിഫോണ് ഉപയോഗിക്കുന്നത് ഒഴിവാക്കാന് ശ്രമിക്കുക.
– ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക.
– കഴിയുന്നത്ര ഗൃഹാന്തര് ഭാഗത്ത് ഭിത്തിയിലോ തറയിലോ സ്പര്ശിക്കാതെ ഇരിക്കുക.
– ഇടിമിന്നലുള്ള സമയത്ത് ടെറസ്സിലോ മറ്റ് ഉയരമുള്ള സ്ഥലങ്ങളിലോ വൃക്ഷ കൊമ്ബിലോ ഇരിക്കുന്നത് അപകടകരമാണ്.
– വീടിനു പുറത്താണങ്കില് വൃക്ഷങ്ങളുടെ ചുവട്ടില് നില്ക്കരുത്.
– വാഹനത്തിനുള്ളില് ആണങ്കില് തുറസ്സായ സ്ഥലത്ത് നിര്ത്തി, ലോഹ ഭാഗങ്ങളില് സ്പര്ശിക്കാതെ ഇരിക്കണം.
– ഇടിമിന്നല് ഉണ്ടാകുമ്ബോള് ജലാശയത്തില് ഇറങ്ങുവാന് പാടില്ല.
– പട്ടം പറത്തുവാന് പാടില്ല.
– തുറസ്സായ സ്ഥലത്താണങ്കില് പാദങ്ങള് ചേര്ത്തുവച്ച് തല കാല് മുട്ടുകള്ക്ക് ഇടയില് ഒതുക്കി പന്തുപോലെ ഉരുണ്ട് ഇരിക്കുക.
– ഇടിമിന്നലുള്ള സമയം പുറത്ത് അയയില് കിടക്കുന്ന നനഞ്ഞ വസ്ത്രങ്ങള് എടുക്കാതിരിക്കുക.
– ഇടിമിന്നലില്നിന്ന് സുരക്ഷിതമാക്കാന് കെട്ടിടങ്ങള്ക്കു മുകളില് മിന്നല് ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷക്കായി സര്ജ്ജ് പ്രോട്ടക്ടര് ഘടിപ്പിക്കാം.
മിന്നലിന്റെ ആഘാതത്താല് പൊള്ളല് ഏല്ക്കുകയോ കാഴ്ച്ചയോ കേള്വിയോ നഷ്ടമാവുകയോ ഹൃദയാഘാതം സംഭവിക്കയോ ചെയ്യാം. മിന്നലാഘാതം ഏറ്റ ആളിന്റെ ശരീരത്തില് വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാല് മിന്നലേറ്റ ആളിന് പ്രഥമ ശുശ്രൂഷ നല്കുവാന് മടിക്കരുത്. മിന്നല് ഏറ്റാല് ആദ്യ മുപ്പത് സെക്കന്ഡ് ജീവന് രക്ഷിക്കാനുള്ള സുവര്ണ്ണ നിമിഷങ്ങളാണ്
– വളര്ത്തു മൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. അവയെ അഴിക്കുവാനും സുരക്ഷിതമായി മാറ്റി കെട്ടുവാനും മഴ മേഘം കാണുമ്ബോള് തുറസായ സ്ഥലത്തെക്ക് പോകരുത്
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
