മുംബൈയിൽ സ്വത്ത് തർക്കത്തെ തുടര്ന്ന് 74 കാരിയായ അമ്മയെ മകന് ബേസ്ബോൾ ബാറ്റുകൊണ്ട് തലക്കടിച്ച് കൊലപ്പെടുത്തി.25കാരനായ മകനെയും വീട്ടുജോലിക്കാരനെയും അറസ്റ്റ് ചെയ്തതായി മുംബൈ പൊലീസ് അറിയിച്ചു. കൊലപാതകത്തിന് ശേഷം മൃതദേഹം റായ്ഗഡിലെ നദിയില് ഉപേക്ഷിച്ചു. സെക്യൂരിറ്റി സൂപ്പര്വൈസറാണ് സ്ത്രീയെ കാണാനില്ലെന്ന് ജൂഹു പൊലീസില് അറിയിച്ചത്. പരാതിയുടെ അടിസ്ഥാനത്തില് പൊലീസ് അന്വേഷണം ആരംഭിച്ചു. മൊബൈല് ഫോണ് ലൊക്കേഷന് കേന്ദ്രീകരിച്ചുള്ള അന്വേഷണത്തിലാണ് കൂടുതല് വിവരങ്ങള് പുറത്തു വന്നത്. പിറ്റേന്ന് മകനെയും വീട്ടുജോലിക്കാരനെയും വിളിച്ചു വരുത്തി ചോദ്യം ചെയ്തതിനെ തുടര്ന്നാണ് കൊലപാതക വിവരം പുറത്തറിഞ്ഞത്. ചോദ്യം ചെയ്യലിൽ, പെട്ടെന്നുണ്ടായ ദേഷ്യത്തില് അമ്മയുടെ തലയില് ബേസ്ബോള് ബാറ്റ് ഉപയോഗിച്ച് പല തവണ അടിച്ച് കൊലപ്പെടുത്തിയെന്ന് ഇയാള് വെളിപ്പെടുത്തി. തങ്ങള് തമ്മില് സ്വത്ത് തര്ക്കം നിലനിന്നിരുന്നു എന്നും അതിനെ തുടര്ന്നാണ് കൊല നടത്തിയെതെന്നും ഇയാള് പറഞ്ഞു. സംഭവത്തെക്കുറിച്ച് അന്വേഷണംനടക്കുന്നുവെണ് പൊലീസ് ഉദ്യോഗസ്ഥര് അറിയിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
