2022 ഫുട്ബോള് ലോകകപ്പിലെ ഏറ്റവും മികച്ച ഗോളിനുള്ള പുരസ്കാരം പ്രഖ്യാപിച്ച് ഫിഫ. ബ്രസീലിന്റെ സൂപ്പര്താരം റിച്ചാര്ലിസണ് നേടിയ ഗോളാണ് ടൂര്ണമെന്റിലെ ഏറ്റവും മികച്ചതായി തിരഞ്ഞെടുത്തിരിക്കുന്നത്. സെര്ബിയയ്ക്കെതിരായ ഗ്രൂപ്പ് ഘട്ട മത്സരത്തിലാണ് റിച്ചാര്ലിസണിന്റെ അത്ഭുത ഗോള് പിറന്നത് .വോട്ടെടുപ്പിലൂടെയാണ് റിച്ചാര്ലിസണ് പുരസ്കാര ജേതാവായത്. സെര്ബിയയ്ക്കെതിരായ മത്സരത്തിന്റെ 73-ാം മിനിറ്റിലാണ് ഗോള് പിറന്നത്. വിനീഷ്യസ് ജൂനിയറിന്റെ പാസ് സ്വീകരിച്ച റിച്ചാര്ലിസണ് അതിമനോഹരമായ ബൈസിക്കിള് കിക്കിലൂടെ പന്ത് വലയിലെത്തിച്ചു. മത്സരത്തില് ബ്രസീല് 2-0 ന് വിജയിക്കുകയും ചെയ്തു. ഇംഗ്ലീഷ് പ്രീമിയര് ലീഗില് ടോട്ടനം ഹോട്സ്പറിന്റെ താരമാണ് റിച്ചാര്ലിസണ്. ലോകകപ്പില് ബ്രസീല് ക്വാര്ട്ടര് ഫൈനലില് പുറത്തായിരുന്നു. ഷൂട്ടൗട്ടിലൂടെ ക്രൊയേഷ്യയാണ് ബ്രസീലിനെ തകര്ത്തത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
