ചര്മ്മത്തിലെ കരുവാളിപ്പ് പലരും നേരിടുന്ന ഒരു പ്രധാന പ്രശ്നമാണ്. പ്രത്യേകിച്ച് ഈ വരുന്ന വേനല്ക്കാലത്ത് സൺ ടാൻ ഉണ്ടാകാനുള്ള സാധ്യത ഏറെയാണ്. സൂര്യപ്രകാശത്തിലെ അള്ട്രാവയലറ്റ് രശ്മികളാണ് ചര്മ്മത്തില് കരുവാളിപ്പ് ഉണ്ടാക്കുന്നത്. ഇത്തരം കരുവാളിപ്പ് അകറ്റാന് വീട്ടില് തന്നെ ചെയ്യാവുന്ന ചില കാര്യങ്ങളുണ്ട്.
ഒരു ടേബിള്സ്പൂണ് വീതം കടലമാവും കാപ്പിപ്പൊടിയും അര ടീസ്പൂണ് വെളിച്ചെണ്ണയിലും കറ്റാർവാഴ ജെല്ലിലുമായി കുഴച്ചെടുക്കുക. ശേഷം ഈ മിശ്രിതം മുഖത്ത് പുരട്ടി 10-15 മിനിറ്റിനുശേഷം കഴുകി കളയാം. പുറത്തു പോയി വന്നയുടന് ഈ പാക്ക് മുഖത്ത് പുരട്ടുക
ഒരു ടീസ്പൂണ് തൈര്, ഒരു ടീസ്പൂണ് കടലമാവ്, രണ്ടുതുള്ളി നാരങ്ങാനീര്, ഒരു ടീസ്പൂണ് തേന് എന്നിവ ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം തണുത്ത വെള്ളത്തില് കഴുകാം.
തക്കാളി നീരിലേയ്ക്ക് ഒരു ടീസ്പൂണ് പഞ്ചസാര ചേര്ക്കുക. ശേഷം ഈ മിശ്രിതം മുഖത്ത് തേച്ചു ഉരസുക. 15- 20 മിനിറ്റിന് ശേഷം കഴുകി കളയാം. പുറത്ത് പോയി വരുമ്പോള് ഇങ്ങനെ ചെയ്യുന്നത് മുഖത്തെ കരുവാളിപ്പ് അകറ്റാന് സഹായിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.