ഇടുക്കി കാഞ്ചിയാറില് പുതപ്പില് പൊതിഞ്ഞ് യുവതിയുടെ മൃതദേഹം കണ്ടെത്തിയ സംഭവത്തിൽ കൂടുതൽ വിവരങ്ങൾ പുറത്തുവന്നു. ഭര്ത്താവ് ബിജേഷ് സംസ്ഥാനം വിട്ടതായി സൂചന ഇയാളുടെ ഫോണ് തമിഴ്നാട് അതിര്ത്തിയോട് ചേര്ന്നുള്ള വനമേഖലയില് നിന്ന് പൊലീസ് നേരത്തെ കണ്ടെടുത്തിരുന്നു. അന്വേഷണം സംസ്ഥാനത്തിന് പുറത്തേക്കും വ്യാപിപ്പിച്ചിട്ടുണ്ട്.
അനുമോളുടെ മൊബൈല് ഫോണ് കഴിഞ്ഞ ദിവസം പൊലീസ് കണ്ടെടുത്തിരുന്നു. ബിജേഷ്, കട്ടപ്പന ബീവറേജസ് ഷോപ്പിന് മുമ്പില് വച്ച് പരിചയപ്പെട്ട വ്യക്തിക്ക് 5000 രൂപയ്ക്ക് ഫോണ് വില്ക്കുകയായിരുന്നു. ഭര്ത്താവ് നിരന്തരം തന്നെ പീഡിപ്പിക്കുന്നെന്ന് വ്യക്തമാക്കി യുവതി ബന്ധുക്കള്ക്ക് സന്ദേശം അയച്ചിരുന്നു. ഞായറാഴ്ചയാണ് സിം കാര്ഡ് ഊരിമാറ്റിയ ശേഷം മൊബൈല് ഫോണ് വിറ്റത്. ഇതിന് ശേഷമാണ് അനുമോളെ കാണാനില്ലെന്ന് ഇയാള് പൊലീസില് പരാതി നല്കിയത്. ഫോണ് ഉപേക്ഷിച്ചാണ് ബിജേഷ് ഒളിവില് പോയത്.
അനുമോള് ഭര്ത്താവില് നിന്ന് നിരന്തരം ഗാര്ഹിക പീഡനം നേരിട്ടെന്നാണ് വിവരം. തന്നെ ഭര്ത്താവ് പീഡിപ്പിക്കുന്നെന്ന് പറഞ്ഞ മസ്കറ്റിലെ പിതൃസഹോദരിക്ക് സന്ദേശം അയച്ചിരുന്നു. മദ്യപിച്ചെത്തിയ ഭര്ത്താവ് മോശമായ രീതിയില് സംസാരിക്കും എവിടെയെങ്കിലും പോയി പണി ചെയ്തു ജീവിക്കാനുള്ള കഴിവ് തനിക്കുണ്ട്. തന്റെ വീട്ടിലേക്ക് പോകണമെന്നൊന്നുമില്ല. ഏതെങ്കിലും മഠത്തിലെങ്കിലും പോയി നില്ക്കാന് കഴിയുമല്ലോ. ഇതു ജീവിക്കാനും മരിക്കാനും വിടാത്ത സാഹചര്യമാണ്. ജീവിതം മടുത്തു. ഒരു മനുഷ്യനും കണ്ടുപിടിക്കാത്ത രീതിയില് എവിടേലും പോയി ജീവിക്കണമെന്നാണ് അനുമോള് സന്ദേശത്തില് അറിയിച്ചത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
