ന്യൂഡല്ഹി: ഇന്ത്യന് സൂപ്പര് ലീഗില് ബെംഗളൂരു എഫ്സിക്കെതിരായ പ്ലേ ഓഫ് മത്സരം പൂര്ത്തിയാക്കാതെ കളം വിട്ട കേരള ബ്ലാസ്റ്റേഴ്സ് ടീമിനെതിരെ അഖിലേന്ത്യ ഫുട്ബോള് ഫെഡറേഷന്റെ കടുത്ത അച്ചടക്കനടപടിയിൽ ടീമിന് നാല് കോടി രൂപ പിഴ വിധിച്ചു. പരിശീലകന് ഇവാന് വുകോമാനോവിച്ചിന് പത്ത് മത്സരങ്ങളില് വിലക്കും അഞ്ച് ലക്ഷം രൂപ പിഴയുമുണ്ട്.
വിഷയത്തില് പരസ്യമായി ക്ഷമാപണം നടത്താനും ക്ലബ്ബിനോട് നിര്ദേശിച്ചിട്ടുണ്ട്. ക്ഷമാപണം നടത്തിയില്ലെങ്കില് ആറ് കോടി രൂപ പിഴയടയ്ക്കണം.വുകോമാനോവിച്ചും പരസ്യമായി മാപ്പുപറയണം. അല്ലാത്തപക്ഷം പിഴ ശിക്ഷ 10 ലക്ഷമാകും. ടീമിന്റെ ഡ്രസ്സിങ് റൂമില് വരെ പ്രവേശനവിലക്ക് ബാധകമാണ്. 10 ദിവസത്തിനകം പിഴ അടയ്ക്കാനാണ് നിര്ദേശം. അച്ചടക്കനടപടി ഒരാഴ്ചക്കുള്ളില് നടപ്പാക്കണമെന്ന് നിര്ദേശിച്ച ഫെഡറേഷന് അച്ചടക്കസമിതി, അപ്പീല് നല്കാന് അവകാശമുണ്ടെന്നും വ്യക്തമാക്കി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
