വായ്നാറ്റം ചിലരെങ്കിലും അഭിമുഖികരിക്കുന്ന പ്രശ്നമാണ്. ആത്മവിശ്വാസത്തെയും മൊത്തത്തിലുള്ള വാക്കാലുള്ള ശുചിത്വത്തെയും ബാധിക്കുന്ന പ്രശ്നമാണ് ഹാലിറ്റോസിസ് എന്നറിയപ്പെടുന്ന വായ്നാറ്റം. വായ്നാറ്റത്തിന്റെ കാരണങ്ങൾ പലരിലും പലതാണ്.
ഉറങ്ങുമ്പോൾ ഉമിനീരിന്റെ പ്രവർത്തനം കുറയുകയും തന്മൂലം വായിലെ കീടാണുക്കളുടെ പ്രവർത്തനം കൂടുകയും ചെയ്യും. ഇത്തരം കീടാണുക്കളുടെ പ്രവർത്തനം മൂലമുണ്ടാകുന്ന സംയുക്തങ്ങൾ വായിൽ നിന്ന് ദുർഗന്ധം വമിക്കാൻ കാരണമാകുന്നു. ഭക്ഷണത്തിന് ശേഷം വായ വൃത്തിയാക്കിയില്ലെങ്കിലും വായ്നാറ്റം ഉണ്ടാകാം. ഭക്ഷണത്തിന്റെ അവശിഷ്ടങ്ങൾ വായിലിരുന്ന് കീടാണു ബാധ ഉണ്ടാകുകയും ഇത് വായ്നാറ്റത്തിലേയ്ക്ക് നയിക്കുകയും ചെയ്യും. വായിലോ മറ്റേതെങ്കിലും ശരീരഭാഗത്തോ ബാധിക്കുന്ന വിവിധ രോഗങ്ങൾ കൊണ്ടും വായ്നാറ്റം ഉണ്ടാകും.
ദന്തക്ഷയം, മോണയിലുണ്ടാകുന്ന പഴുപ്പ്, മോണവീക്കം, നാവിലുണ്ടാകുന്ന പൂപ്പൽ, മറ്റ് ദന്തരോഗങ്ങൾ എന്നിവയൊക്കെ വായ്നാറ്റത്തിന് കാരണമാണ്. വായ്നാറ്റം മാത്രമല്ല മോണരോഗം വരാതിരിക്കാനും ചില കാര്യങ്ങൾ ശ്രദ്ധിക്കാം ദന്തശുചിത്വം ഉറപ്പുവരുത്തുക എന്നതാണ് വായ്നാറ്റം ഉള്ളവർ ആദ്യം ചെയ്യേണ്ടത്. ഫ്ലൂറൈഡ് ടൂത്ത് പേസ്റ്റ് ഉപയോഗിച്ച് ദിവസത്തിൽ രണ്ട് തവണ കുറഞ്ഞത് രണ്ട് മിനിറ്റെങ്കിലും ബ്രഷ് ചെയ്യുക.
ദിവസവും രണ്ട് നേരവും നന്നായി ബ്രഷ് ചെയ്യുക. ആവശ്യമെങ്കിൽ ഓരോ ഭക്ഷണ ശേഷവും പല്ലുകൾ വൃത്തിയാക്കാവുന്നതാണ്. ഡെന്റൽ ഫ്ളോസ് (Dental Floss) ഉപയോഗിച്ചു് പല്ലുകൾക്കിടയിലുള്ള അഴുക്ക് നീക്കം ചെയ്യാം. പല്ല് തേക്കുന്ന സമയത്ത് തന്നെ നാവ് വൃത്തിയാക്കാനും ശ്രദ്ധിക്കുക.ആന്റിമൈക്രോബയൽ മൗത്ത് വാഷ് വായിലെ ബാക്ടീരിയകളെ ഇല്ലാതാക്കാൻ സഹായിക്കും. ബ്രഷിംഗിനും ഫ്ലോസിംഗിനും ശേഷം കഴുകിക്കളയുക. മദ്യപാനം, പുകവലി എന്നീ ശീലങ്ങളും ഒഴിവാക്കുക. ഇവ വായ്ക്കകത്തെ ജലാംശം ഇല്ലാതാക്കും. വരണ്ട വായ വായ് നാറ്റത്തിന് കാരണമാകും. വായിൽ ഈർപ്പം നിലനിർത്താൻ ദിവസം മുഴുവൻ ധാരാളം വെള്ളം കുടിക്കുക.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.