മൂത്രത്തില് കല്ലുണ്ട് എന്ന് പറഞ്ഞ് ഡോക്ടറുടെ അടുത്തെത്തുന്നവരുടെ എണ്ണം കൂടിവരുകയാണ്. കടുത്ത വേദനയെത്തുടര്ന്ന് പരിശോധനകള് നടത്തുമ്പോഴാണ് വൃക്കയിലെ കല്ലുകളെ തിരിച്ചറിയുന്നത്.
അവഗണിക്കേണ്ട ഒന്നല്ല ഈ പ്രശ്നം. രക്തത്തിലെ മാലിന്യങ്ങളെ അരിച്ചുനീക്കി ശരീരത്തെ ആരോഗ്യത്തോടെ നിലനിര്ത്തുന്ന വൃക്കകളിലുണ്ടാകുന്ന ഏതൊരു ചെറിയ പ്രശ്നവും വലിയ പ്രാധാന്യത്തോടെ കാണേണ്ടതുണ്ട്. അല്ലെങ്കില് വൃക്കകളുടെ പ്രവര്ത്തനത്തകരാറിനും മറ്റ് ഗുരുതര ആരോഗ്യപ്രശ്നങ്ങള്ക്കും അത് വഴിയൊരുക്കും.
ശരീരത്തിന് വളരെ അത്യാവശ്യം വേണ്ട ഘടകങ്ങളാണ് ധാതുക്കളും ലവണങ്ങളുമൊക്കെ. ഇവ ശരീരത്തിന് ആവശ്യമുള്ള അളവില് ഉപയോഗിച്ച് ബാക്കിയുള്ളത് വൃക്കകള് അരിച്ചുമാറ്റി മൂത്രത്തിലൂടെ ശരീരത്തിന്റെ പുറത്തേക്ക് പോകുകയാണ് പതിവ്. ഈ സമയത്ത് കാല്സ്യം, ഫോസ്ഫേറ്റ്, ഓക്സലേറ്റ്, യൂറിക് ആസിഡ് തുടങ്ങിയ ലവണങ്ങളുടെ ചെറിയ തരികള് വൃക്കയില് പരലുകളായി രൂപപ്പെടും. ഇത്തരം പരലുകള് കൂടുതല് എണ്ണം ഒന്നിച്ച് ചേര്ന്ന് പതുക്കെ വലുപ്പം കൂടി കട്ടിയേറിയ വസ്തുവായി മാറും. ഇവ വൃക്കകളില് രൂപപ്പെട്ട് മൂത്രവാഹിനിക്കുഴലിലേക്കും മൂത്രസഞ്ചിയിലേക്കുമൊക്കെ എത്താൻ സാധ്യതയുണ്ട്. ഇത്തരത്തില് വൃക്കകളിലോ മൂത്രവാഹിനിക്കുഴലിലോ മൂത്രസഞ്ചിയിലോ കാണപ്പെടുന്ന കട്ടിയേറിയ വസ്തുക്കളെയാണ് കല്ലുകള് ചെറിയ പരലുകള് ആണെങ്കില് അവ മൂത്രത്തിലൂടെ പുറത്തേക്ക് പോകും. എന്നാല് ഈ പരലുകള്ക്ക് വലുപ്പം കൂടുമ്ബോള് അവ കുടുങ്ങിക്കിടക്കും. അപ്പോഴാണ് രോഗലക്ഷണങ്ങള് കണ്ടുതുടങ്ങുക.
വേദനയാണ് പ്രധാന ലക്ഷണം. പെട്ടെന്ന് പിൻ ഭാഗത്ത് വാരിയെല്ലുകളുടെ താഴെ നിന്ന് അടിവയറ്റിലേക്ക് വേദന പടര്ന്ന് കയറും. മൂത്രത്തിന്റെ അളവ് കുറയല്, കല്ല് മൂത്രവാഹിനിക്കുഴലിലും മറ്റും ഉരയുന്നതുമൂലം മുറിവുണ്ടാകുമ്ബോള് മൂത്രത്തില് രക്തം കലരുക എന്നിവ പ്രധാന ലക്ഷണങ്ങളാണ്. മൂത്രാണുബാധയ്ക്കും അപൂര്വമായി വൃക്കകളുടെ പ്രവര്ത്തനത്തകരാറിനും കല്ലുകള് കാരണമാകാറുണ്ട്. കൃത്യസമയത്ത് ചികിത്സ ലഭിക്കാതെ രോഗം ഗുരുതരമായി അണുബാധയായി മാറിയാല് പനിയും വിറയലുമൊക്കെ ഉണ്ടാകാം. കല്ലിന്റെ വലുപ്പം, ആകൃതി, കല്ല് സ്ഥിതി ചെയ്യുന്ന സ്ഥലം എന്നിവയ്ക്കനുസരിച്ച് ലക്ഷണങ്ങളില് ചെറിയ വ്യത്യാസങ്ങള് കാണാറുണ്ട്.
കല്ലുകള് പലതരത്തിലുണ്ട്. രാസഘടനയിലെ വ്യത്യാസങ്ങള്ക്കനുസരിച്ചാണ് ഇവയെ തരംതിരിക്കുന്നത്. കാല്സ്യം കല്ലുകള്, യൂറിക് ആസിഡ് കല്ലുകള്, സ്ട്രൂവൈറ്റ് കല്ലുകള്, സിസ്റ്റീൻ കല്ലുകള് എന്നിവയാണ് പ്രധാനപ്പെട്ടത്. വേദനയുണ്ടാകുമ്ബോള് മാത്രമാണ് പലരും വൃക്കയില് കല്ലുള്ള കാര്യം അറിയുക. വൃക്കയില് പരലുകള് രൂപപ്പെടാൻ കൂടുതല് സമയം എടുക്കാറുണ്ട്. എന്നാല് പരലുകള് രൂപപ്പെട്ടുകഴിഞ്ഞാല് അത് ഒന്നിച്ചുകൂടി കട്ടപിടിക്കുന്നതും വലുപ്പം കൂടുന്നതും വളരെ വേഗത്തില് നടക്കാം. അതിനാല്, കല്ല് കണ്ടെത്തിയാല് ഇടയ്ക്കിടെ പരിശോധിച്ച് കല്ലിന്റെ വലുപ്പം നിര്ണയിക്കേണ്ടതുണ്ട്. ചെറിയ കല്ലാണെങ്കിലും ചികിത്സിക്കാതെ വിട്ടുകളയരുത്. കൃത്യമായി ചികിത്സിച്ചില്ലെങ്കില് വൃക്കകള്ക്ക് പ്രവര്ത്തനത്തകരാറ് ഉണ്ടാകാനിടയുണ്ട്.
വൃക്കയില് കല്ലുണ്ടാകുന്നതിന് പല കാരണങ്ങളുണ്ട്. വെള്ളം കുടിക്കുന്നതിലെ കുറവ്: ആവശ്യത്തിന് വെള്ളം കുടിക്കാതിരിക്കുന്നത് കല്ലുണ്ടാകാനുള്ള പ്രധാനപ്പെട്ട കാരണമാണ്. കുടിക്കുന്ന വെള്ളത്തിന്റെ അളവ് കുറയുമ്ബോള് ലവണങ്ങളുടെ ചെറിയ തരികള് കൂടിച്ചേര്ന്ന് പരലുകള് രൂപപ്പെടും. വെള്ളത്തിന്റെ അളവ് കൂടി മൂത്രത്തിന്റെ കട്ടി കുറഞ്ഞാല് പരലുകള് ഒന്നിച്ച് ചേരാനുള്ള സാധ്യത കുറയും. അത് കല്ലുണ്ടാക്കാനുള്ള സാധ്യത കുറയ്ക്കും. വെള്ളത്തിന്റെ അളവ് കുറഞ്ഞാല് മൂത്രത്തിന് കട്ടിയേറും. ഇത് പരലുകള് പെട്ടെന്ന് കൂടിച്ചേരാൻ ഇടയാക്കും.പരലുകള് രൂപപ്പെടുന്നത് തടയാൻ സഹായിക്കുന്ന പ്രധാന ഘടകങ്ങളാണ് സിട്രേറ്റ്, മഗ്നീഷ്യം, പൊട്ടാസ്യം എന്നിവ. കാല്സ്യം, ഫോസ്ഫേറ്റ്, ഓക്സലേറ്റ്, യൂറിക് ആസിഡ് തുടങ്ങിയവ കല്ലുണ്ടാകാനുള്ള സാധ്യത വര്ധിപ്പിക്കുന്ന ഘടകങ്ങളാണ്. ഇവയുടെ ഏറ്റക്കുറച്ചിലുകളും കല്ല് രൂപപ്പെടാൻ കാരണമാകുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
