കോട്ടയം∙ഓമനിച്ചു വളര്ത്തിയ 13 കന്നുകാലികള് കണ്മുന്നില് ചത്തുവീണതിന്റെ സങ്കടത്തില് കഴിയുന്ന കുട്ടിക്കര്ഷകനായ ഇടുക്കി വെള്ളിയാമറ്റം കിഴക്കേപറമ്പില് മാത്യു ബെന്നിക്ക് ആശ്വസവുമായി നടന് ജയറാമും സിനിമാ പ്രവര്ത്തകരും. ജയറാമിനെ നായകനാക്കി മിഥുൻ മാനുവൽ തോമസ് സംവിധാനം ചെയ്യുന്ന അബ്രഹാം ഓസ്ലര് എന്ന ചിത്രത്തിന്റെ അണിയറ പ്രവർത്തകരാണ് സഹായവാഗ്ദാനവുമായി രംഗത്തുള്ളത്.
നാലിനു നടത്താനിരുന്ന ചിത്രത്തിന്റ ട്രെയ്ലര് ലോഞ്ചിങ് പരിപാടി വേണ്ടെന്നുവച്ച് അതിനായി മാറ്റിവച്ച 5 ലക്ഷം രൂപ മാത്യുവിന്റെ കുടുംബത്തിന് കൈമാറാനാണ് തീരുമാനം. ജയറാം ഇന്ന് നേരിട്ട് തൊടുപുഴയിലെത്തി തുക കൈമാറും. ജനുവരി 11നാണ് ചിത്രം റിലീസ് ചെയ്യുന്നത്.
പശുവും കിടാവും മൂരിയും ഉള്പ്പെടെ 13 കന്നുകാലികളാണു ഭക്ഷ്യവിഷബാധ മൂലം ചത്തത്. അമ്മ ഷൈനിയും ചേട്ടന് ജോര്ജും അനുജത്തി റോസ്മേരിയും ഉള്പ്പെട്ട കുടുംബത്തിന്റെ ഏക ഉപജീവനമാര്ഗവുമായിരുന്നു ഈ കന്നുകാലികള്
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.