കോഴിക്കോട്∙ കോഴിക്കോട് സിപിഎമ്മിനെ ഞെട്ടിച്ച് എൻഡിഎ . യുഡിഎഫ് സ്ഥാനാർഥി എം.കെ.രാഘവൻ ലീഡ് നിലനിർത്തിയപ്പോൾ എൽഡിഎഫ് ഒരു ഘട്ടത്തിൽ മൂന്നാം സ്ഥാനത്തേക്ക് പോയി. ബിജെപി സംസ്ഥാന ജനറൽ സെക്രട്ടറി എം.ടി.രമേശാണ് എളമരം കരീമിനെ പിന്നിലാക്കിയത്. ചരിത്രത്തിലാദ്യമായാണ് എൻഡിഎ എൽഡിഎഫിനെ മറികടന്നത്.
അതേസമയം യുഡിഎഫ് സ്ഥാനാർഥി എം.കെ.രാഘവന് ഒരു ഘട്ടത്തിൽ പോലും വെല്ലുവിളി ഉയർത്താൻ ഇരുവർക്കുമായില്ല. നിലവിൽ രാഘവന്റെ ഭൂരിപക്ഷം കാൽലക്ഷം പിന്നിട്ടു. തിരഞ്ഞെടുപ്പ് പ്രചരണവേളയിൽ ത്രികോണ മത്സരത്തിന്റെ യാതൊരു ലക്ഷണവുമില്ലാതിരുന്നിട്ടും എൻഡിഎ എൽഡിഎഫിനേക്കാൾ മുന്നിൽ പോയത് സിപിഎമ്മിൽ വലിയ ചർച്ചകൾക്ക് വഴി വയ്ക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
