ചെറുവാടി: ഇന്നലെ പെയ്ത ശക്തമായ മഴയില്‍ ചെറുവാടിയിൽ വീട്ടിലെ കിണര്‍ ഇടിഞ്ഞുതാഴ്ന്നു. കൊടിയത്തൂര്‍ പഞ്ചായത്തിലെ ചെറുവാടിയിലാണ് സംഭവം. ഇന്നലെ ഉച്ചക്ക് ശേഷമുണ്ടായ ശക്തമായ മഴയില്‍ ചെറുവാടി ആലുങ്ങലില്‍ തറയില്‍ മമ്മദിന്റെ വീട്ടുമുറ്റത്തെ കിണര്‍ ആണ് ഇടിഞ്ഞത്. കിണറിന്റെ മുകള്‍ഭാഗം ഒന്നാകെ താഴ്ന്നുപോയ നിലയിലാണ്. കിണറിനോട് ചേര്‍ന്ന് സ്ഥാപിച്ചിരുന്ന മോട്ടോറും നഷ്ടപ്പെട്ടു.
പ്രദേശവാസികള്‍ വര്‍ഷങ്ങളായി ഉപയോഗിക്കുന്ന കിണറാണ് ഇടിഞ്ഞുതാഴ്ന്നത്. കിണർ പെട്ടന്ന് ഇടിഞ്ഞ് താഴാനുള്ള കാരണമെന്താണ് എന്നതാണ് പ്രദേശവാസികളടക്കം ഏവരും അന്വേഷിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
