മാവൂർ: കൂളിമാട് പറയങ്ങാട്ട് പെട്രോൾ പമ്പിൽ അജ്ഞാതന്റെ ആക്രമണം. വ്യാഴാഴ്ച രാത്രി 12.30 ഓടെയാണ് ആക്രമണം നടന്നത്. പെട്രോൾ പമ്പിൽ നിർത്തിയിട്ട ടാങ്കർ ലോറിക്ക് നേരെ യുവാവ് കല്ലെറിയുന്നതിന്റെ സി സി ടി വി ദൃശ്യം പുറത്ത് വന്നിട്ടുണ്ട്. മാവൂർ പൊലീസ് സംഭവത്തിൽ അന്വേഷണം ആരംഭിച്ചിട്ടുണ്ട്.
പമ്പിന് നേരെ നടന്ന സാമൂഹിക വിരുദ്ധ ആക്രമണത്തിൽ വ്യാപാരി വ്യവസായി ഏകോപന സമിതി കൂളിമാട് യൂണിറ്റ് പ്രതിഷേധ പ്രകടനവും പൊതുയോഗവും സംഘടിപ്പിച്ചു. വാർഡ് മെമ്പർ കെ.എ റഫീഖ് ഉദ്ഘാടനം ചെയ്തു. യൂണിറ്റ് പ്രസിഡണ്ട് സി എച്ച് അഹമ്മദ്കുട്ടി അധ്യക്ഷത വഹിച്ചു. യൂത്ത് വിങ് ജില്ലാ സെക്രട്ടറി മാരായ സഹദ് മാവൂർ, നൂറുദ്ദീൻ മുക്കം, സിപിഎം കൂളിമാട് ബ്രാഞ്ച് സെക്രട്ടറി ബഷീർ ടി.വി, ടി.വി ഷാഫി മാസ്റ്റർ, അക്ഷര പ്രസിഡണ്ട് മുജീബ് ഇറക്കോട്ട്, കെ വി വി ഇ എസ് കൂളിമാടി യൂണിറ്റ് ജനറൽ സെക്രട്ടറി ഫിറോസ് ഓർക്കിഡ്, കെ.ടി.എ നാസർ, ഫഹദ് പാഴൂർ, അൻവർ അജുവ, അസീസ് മുന്നൂർ, വീരാൻകുട്ടി മാസ്റ്റർ തന്മയ, അലി ഇറക്കോട്ട്, ഇ സി റിയാസ് ചിറ്റാരിപ്പിലാക്കൽ, നാസർ താത്തൂര്, മുഹമ്മദ് ബാബു അരയങ്കോട്, സഫറുള്ള മണ്ണിൽ തുടങ്ങിയവർ പ്രസംഗിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
