ഓമശ്ശേരി: സംസ്ഥാന ടൂറിസം വകുപ്പും കേരള അഡ്വഞ്ചർ ടൂറിസം പ്രമോഷൻ സൊസൈറ്റിയും ചേർന്ന് സംഘടിപ്പിക്കുന്ന പത്താമത് മലബാർ റിവർ ഫെസ്റ്റിവൽ ഇൻ്റർനാഷണൽ കയാക്കിങ് ചാമ്പ്യൻഷിപ്പിൻ്റെ മുന്നോടിയായുള്ള മഡ് ഫുട്ബോൾ ടൂർണമെൻ്റിൽ ഓമശ്ശേരി ത്രീ ലൈൻ ഗ്രൂപ്പ് ഓഫ് കമ്പനീസ് ജേതാക്കളായി. ഫൈനലിൽ അമിഗോസ് നീലേശ്വരത്തെയാണ് പരാജയപ്പെടുത്തിയത്.
ഓമശ്ശേരി പഞ്ചായത്തിൻ്റെ ആഭിമുഖ്യത്തിൽ ഒഇസ്ക ഇൻ്റർനാഷണൽ ഓമശ്ശേരി സംഘടിപ്പിച്ച ടൂർണമെൻ്റ് താഴെ ഓമശ്ശേരി റോയാട് ഫാം മഡ് ഗ്രൗണ്ടിൽ ലിൻ്റോ ജോസഫ് എംഎൽഎ ഉദ്ഘാടനം ചെയ്തു. ഓമശ്ശേരി പഞ്ചായത്ത് പ്രസിഡൻ്റ് പി.കെ.ഗംഗാധരൻ അധ്യക്ഷനായി. കൊടുവള്ളി ബ്ലോക്ക് പഞ്ചായത്ത് പ്രസിഡൻ്റ് കെ. എം. അഷ്റഫ്, കോടഞ്ചേരി പഞ്ചായത്ത് പ്രസിഡൻ്റ് അലക്സ് തോമസ്, തിരുവമ്പാടി പഞ്ചായത്ത് പ്രസിഡൻ്റ് ബിന്ദു ജോൺസൺ, ഓമശേരി പഞ്ചായത്ത് വൈസ് പ്രസിഡൻ്റ് ഫാത്തിമ അബു, ഒയിസ്ക ഇൻ്റർ നാഷണൽ സെക്രട്ടറി ജനറൽ എം. അരവിന്ദ് ബാബു, സീനത്ത് തട്ടാഞ്ചേരി, എസ്. പി. ഷഹന, പി. അബ്ദുൾ നാസർ, അജു എമ്മാനുവൽ, ജയപ്രകാശ് കനവ് എന്നിവർ സംസാരിച്ചു.
കേരള അഡ്വഞ്ചർ ടൂറിസം പ്രമോഷൻ സൊസൈറ്റി സിഇഒ ബിനു കുര്യാക്കോസ് മലബാർ റിവർ ഫെസ്റ്റിവലിനെക്കുറിച്ച് വിശദീകരിച്ചു. ഒയിസ്ക ഓമശേരി ചാപ്റ്റർ സെക്രട്ടറി റസാഖ് പുത്തൂർ സ്വാഗതവും പഞ്ചായത്തംഗം പി.അബ്ദുൽ നാസർ നന്ദിയും പറഞ്ഞു. സമാപന പരിപാടി പഞ്ചായത്ത് പ്രസിഡൻ്റ് പി.കെ.ഗംഗാദൻ ഉദ്ഘാടനം ചെയ്തു. റൊയാഡ് അഷ്റഫ് അധ്യക്ഷനായി. മുക്കം നഗരസഭ ചെയർമാൻ പി.ടി.ബാബു ട്രോഫികൾ വിതരണം ചെയ്തു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
