കോഴിക്കോട്: നഗരത്തിലെ ലോഡ്ജ് മുറിയിൽ യുവതിയെ മരിച്ച നിലയിൽ കണ്ടെത്തി. മലപ്പുറം വെട്ടത്തൂർ പട്ടിക്കാട് സ്വദേശി ഫസീലയെയാണ് ചൊവ്വാഴ്ച എരഞ്ഞിപ്പാലത്തെ ലോഡ്ജിൽ മരിച്ച നിലയിൽ കണ്ടെത്തിയത്.
യുവതിക്കൊപ്പം താമസിച്ചിരുന്ന അബ്ദുൾ സനൂഫിനെ തിങ്കളാഴ്ച രാത്രി മുതൽ കാണാതായിരുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
24ന് രാത്രി 11 മണിയോടെയാണ് യുവാവും യുവതിയും ലോഡ്ജിൽ മുറിയെടുത്തത്. കഴിഞ്ഞ ദിവസം രാത്രി 10 മണിയോടെ മുറിയിൽ നിന്നിറങ്ങിയ യുവാവ് തിരിച്ചെത്തിയില്ലെന്നാണ് വിവരം. തുടർന്ന് നടത്തിയ തിരച്ചിലിലാണ് യുവതിയെ മുറിയിൽ മരിച്ച നിലയിൽ കണ്ടെത്തിയത്.
മുറിയിൽ നിന്ന് ആധാർ കാർഡ്, റേഷൻ കാർഡ് തുടങ്ങിയ രേഖകൾ പോലീസ് കണ്ടെടുത്തു. സംഭവത്തിൽ നടക്കാവ് പോലീസ് കേസെടുത്ത് അന്വേഷണം ആരംഭിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
