ഉത്തർപ്രദേശിലെ അലിഗഡ് ജില്ലയിൽ ഒരു ഞെട്ടിക്കുന്ന കൊലപാതക കേസ് പുറത്തുവന്നു. ഭാര്യയും കാമുകനും ചേർന്ന് ഭർത്താവിനെ ക്രൂരമായി കൊലപ്പെടുത്തിയ ശേഷം, തിരിച്ചറിയാതിരിക്കാൻ വയറുമുറിച്ച് ശരീരത്തിൽ ആസിഡ് ഒഴിച്ച് തീകൊളുത്തിയതായി പോലീസ് പറഞ്ഞു. ഉത്തർപ്രദേശിലെ ഛാര പോലീസ് സ്റ്റേഷൻ പരിധിയിലാണ് സംഭവം. അലിഗഡ് സ്വദേശിയായ യൂസഫ് (28) ആണ് മരിച്ചതെന്ന് പോലീസ് പറഞ്ഞു.
ജൂലൈ 29 -ന് യൂസഫ് വീട്ടിൽ നിന്നും പതിവ് പോലെ ജോലിക്ക് പോയിരുന്നെങ്കിലും വൈകുന്നേരം വീട്ടിൽ തിരിച്ചെത്തിയില്ല. വീട്ടുകാർ ദിവസങ്ങളോളം യൂസഫിനെ അന്വേഷിച്ചെങ്കിലും ഒരു സൂചനയും ലഭിച്ചില്ല. ഇതിന് പിന്നാലെയാണ് പോലീസില് പരാതി നല്കിയത്. പിന്നാലെ പോലീസ് അന്വേഷണം നടത്തിയെങ്കിലും സൂചനകളൊന്നും ലഭിച്ചില്ല. ഇതിനിടെയാണ് കാസ്ഗഞ്ച് ജില്ലയിലെ ധോൽന പോലീസ് സ്റ്റേഷൻ പരിധിയിലെ ഇഷ്ടിക ചൂളകൾക്ക് സമീപം ഗുരുതരമായി കത്തിക്കരിഞ്ഞ ഒരു മൃതദേഹം കണ്ടെത്തിയത്. ആസിഡ് ഉപയോഗിച്ച് മൃതദേഹം നശിപ്പിച്ചിരുന്നു, മൃതദേഹം പുഴവരിച്ച നിലയിൽ ആയതിനാല് തിരിച്ചറിയാന് കഴിഞ്ഞില്ല. തുടര്ന്ന് നടത്തിയ ശാസ്ത്രീയ പരിശോധനയില് മൃതദേഹം യൂസഫിന്റെതാണെന്ന് സ്ഥിരീകരിച്ചു.
വിശദമായ കേസന്വേഷണത്തില് യൂസഫിന്റെ ഭാര്യ തബാസ്സും കാമുകനായ ഡാനിഷും ചേര്ന്നാണ് കൊലപാതകം ആസൂത്രണം ചെയ്ത് നടപ്പാക്കിയതെന്ന് പോലീസ് കണ്ടെത്തി. കൊലപാതകത്തിന് പിന്നാലെ ഇരുവരും ചേര്ന്ന് മൂര്ച്ചയുള്ള ആയുധം ഉപയോഗിച്ച് വയര് കീറി മുറിച്ചു. തുടര്ന്ന് മൃതദേഹത്തിൽ ആസിഡ് ഒഴിച്ച് തെളിവ് നശിപ്പിക്കുകയും മൃതദേഹം കത്തിക്കുകയും ചെയ്തു. തുടര് അന്വേഷണത്തില് തബാസ്സിനെ അറസ്റ്റ് ചെയ്തെന്നും ഡാനിഷും കുടുംബവും ഒളിവിലാണെന്നും പോലീസ് അറിയിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
