പറവൂര്: രാഹുല് മാങ്കൂട്ടത്തില് എംഎല്എയ്ക്കെതിരെ ആരോപണം ഉന്നയിച്ച നടി റിനി ആന് ജോര്ജ് സിപിഎം വേദിയില്. സ്ത്രീകള്ക്കെതിരെയുള്ള അധിക്ഷേപങ്ങള്ക്കും സൈബര് ആക്രമണങ്ങള്ക്കും പറവൂരില് സിപിഎം സംഘടിപ്പിച്ച പരിപാടിയിലാണ് റിനി പങ്കെടുത്തത്. സിപിഎം നേതാവ് കെ.ജെ.ഷൈന് റിനിയെ പാര്ട്ടിയിലേക്ക് സ്വാഗതം ചെയ്തു. ‘റിനിയെപോലുള്ള സ്ത്രീകള് ഈ പ്രസ്ഥാനത്തോടൊപ്പം ചേരണം. റിനിക്ക് സ്വതന്ത്രമായി തീരുമാനമെടുക്കാമെങ്കിലും തിരിച്ചറിവ് ഉണ്ടാകുന്ന സമയം ഞങ്ങള് ഹൃദയപൂര്വ്വം സ്വാഗതം ചെയ്യുന്നു’ കെ.ജെ.ഷൈന് പറഞ്ഞു. കെ.ജെ.ഷൈനിന് നേരെ നടന്ന പ്രചാരണങ്ങളുടെ പശ്ചാത്തലത്തില്കൂടിയാണ് സിപിഎം പെണ് പ്രതിരോധം എന്ന പേരില് പരിപാടി സംഘടിപ്പിച്ചത്.
ആരേയും തകര്ക്കുകയായിരുന്നില്ല തന്റെ ലക്ഷ്യമെന്നും രാഷ്ട്രീയത്തില് കടന്നുവരേണ്ടവര് ഇങ്ങനെയാണോ സ്ത്രീകളോട് പെരുമാറേണ്ടത് എന്ന ചോദ്യമാണ് ഉയര്ത്തിയതെന്നും റിനി പറഞ്ഞു. എനിക്ക് ഒരു യുവനേതാവില്നിന്ന് ചില മോശം സമീപനം നേരിടേണ്ടി വന്നു എന്നാണ് ഞാന് തുറന്ന് പറഞ്ഞത്. പക്ഷേ എന്നാല്പ്പോലും ഒരു പ്രസ്ഥാനത്തെ വേദനിപ്പിക്കേണ്ട എന്നു കരുതി ആ പ്രസ്ഥാനത്തിന്റെയോ വ്യക്തിയുടെയോ പേര് പറഞ്ഞിട്ടില്ല. ആരേയും തകര്ക്കണമെന്നല്ല എന്റെ ഉദ്ദേശം. രാഷ്ട്രീയത്തിലേക്ക് കടന്നുവരുന്ന യുവാക്കള് ഇങ്ങനെയാണോ ആകേണ്ടത് എന്ന ചോദ്യമാണ് ഞാന് ഉന്നയിച്ചത്. സ്ത്രീകളോട് ഇങ്ങനെയാണോ പെരുമാറേണ്ടത്. പേര് പറയാതിരുന്നിട്ടും എനിക്ക് നേരെ വന്തോതിലുള്ള ഭയനാകരമായ സൈബര് ആക്രമണമാണ് ഉണ്ടായത്’ റിനി പരിപാടിയില് പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
