പാലക്കാട്: ലൈംഗികാരോപണ കേസില് രാഹുല് മാങ്കൂട്ടത്തില് എംഎല്എയ്ക്ക് വീണ്ടും കുരുക്ക്. പെണ്കുട്ടിയെ ഗര്ഭധാരണത്തിനും ഗര്ഭഛിദ്രത്തിനും നിര്ബന്ധിക്കുന്നതിന്റേതെന്ന് പറയപ്പെടുന്ന ശബ്ദരേഖയും വാട്സാപ്പ് ചാറ്റുമുള്പ്പെടെ പുറത്തുവന്നു. ഇതിന് മുമ്പ് പുറത്തുവന്ന ശബ്ദരേഖയേ തുടര്ന്നു വിവാദമാകുകയും രാഹുല് മാങ്കൂട്ടത്തിനെ പാര്ട്ടിയില്നിന്ന് മാറ്റിനിര്ത്തിയിരുന്നു. ഇതിന്റെ ബാക്കിയാണ് ഇപ്പോള് പുറത്തുവന്നതെന്നാണ് വിവരം. തദ്ദേശ തിരഞ്ഞെടുപ്പിന്റെ ഭാഗമായി രാഹുല് മാങ്കൂട്ടത്തില് സജീവമായതിന് പിന്നാലെയാണ് വീണ്ടും ശബ്ദരേഖ പുറത്തുവരുന്നത്.
രാഹുലില്നിന്ന് ഗര്ഭം ധരിച്ചു, ഗര്ഭഛിദ്രത്തിന് പിന്നീട് നിര്ബന്ധിച്ചതും രാഹുല് മാങ്കൂട്ടത്തിലാണ് എന്ന് ആരോപിക്കുന്ന ശബ്ദരേഖയാണിത്. കുട്ടിവേണമെന്ന് രാഹുല് മാങ്കൂട്ടത്തിലാണ് നിര്ബന്ധം പിടിച്ചതെന്ന് പെണ്കുട്ടി പറയുന്നു. പെണ്കുട്ടിയോട് പരിഹാസത്തോടെയും ക്രൂരമായും പ്രതികരിക്കുന്ന രാഹുല്മാങ്കൂട്ടത്തിന്റേത് എന്ന് പറയുന്ന ശബ്ദരേഖയും കേള്ക്കാം. ഇതിനൊപ്പം പുറത്തുവന്ന വാട്സാപ്പ് ചാറ്റില് കുട്ടിവേണമെന്ന് പറയുന്നതടക്കമുള്ള കാര്യങ്ങളാണ്. എന്നാല്, ഇവയുടെ ആധികാരികത വ്യക്തമല്ല.നേരത്തെ പുറത്തുവന്ന ശബ്ദരേഖയും വാട്സാപ്പ് ചാറ്റും അടിസ്ഥാനമാക്കി ക്രൈംബ്രാഞ്ച് കേസെടുത്തിരുന്നു. അഞ്ചുപേര് ഇ മെയില് വഴി പോലീസ് ആസ്ഥാനത്തേക്ക് അയച്ച പരാതിയുടെ അടിസ്ഥാനത്തിലാണ് കേസെടുത്തത്. പരാതി നല്കിയവരെല്ലാം മൂന്നാം കക്ഷികളായിരുന്നു. എന്നാല്, ഗര്ഭഛിദ്രം നടത്തേണ്ടി വന്ന യുവതി ഇതുവരെ മൊഴി നല്കുകയൊ പരാതി നല്കുകയോ ചെയ്തിട്ടില്ല. യുവതി മുന്നോട്ടു വരാത്തതിനാല് ക്രൈംബ്രാഞ്ച് കേസ് എങ്ങുമെത്താത്ത സ്ഥിതിയിലാണ്. ഈ സമയത്താണ് ശബ്ദരേഖയും വാട്സാപ്പ് ചാറ്റും പറത്തുവരുന്നത്.അതെ സമയം യുവതി മൊഴി നല്കാന് തയ്യാറായാല്, ശബ്ദരേഖയിലുള്ള ആള് രാഹുല് മാങ്കൂട്ടത്തിലാണ് എങ്കില് രാഹുലിന് വലിയ നിയമനടപടികള് നേരിടേണ്ടി വരും. ഇതിനൊപ്പംരാഷ്ട്രീയമായി തിരിച്ചടിയും നേരിടേണ്ടി വരും
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
