തിരുവനന്തപുരം: ദിവസങ്ങളായി സംസ്ഥാനത്ത് തുടര്ന്ന തീവ്ര മഴയ്ക്ക് താത്കാലിക ശമനമാകുന്നു. സംസ്ഥാനത്തിന്റെ പല മേഖലകളിലും മഴയുടെ ശക്തി കുറഞ്ഞു.പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് മാത്രമാണ് ഇന്ന് ഒറ്റപ്പെട്ട കനത്ത മഴയ്ക്കുള്ള സാധ്യതാ മുന്നറിയിപ്പുണ്ടായിരുന്നത്.
തിരുവനന്തപുരമടക്കമുള്ള തെക്കന് ജില്ലകളില് നാമമാത്രമായ മഴയാണ് പെയ്തത്. അടുത്ത നാല് ദിവസത്തേക്ക് സംസ്ഥാനത്ത് എവിടെയും കനത്ത മഴയ്ക്കുള്ള സാധ്യതാ മുന്നറിയിപ്പില്ലെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
അതേസമയം കാലവര്ഷത്തിന്റെ ഭാഗമായുള്ള മഴ സംസ്ഥാനത്തിന്റെ പല മേഖലകളിലും പെയ്യാനും സാധ്യതയുണ്ട്. കേരള, കര്ണാടക തീരത്തും ലക്ഷദ്വീപ് ഭാഗത്തും മത്സ്യബന്ധനത്തിന് ഏര്പ്പെടുത്തിയിരുന്ന നിരോധനം തിങ്കളാഴ്ച കൂടി തുടരും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
