കൊല്ലം: കൊട്ടിയത്ത് വരൻ വിവാഹത്തിൽ നിന്ന് പിന്മാറിയതിനെ തുടർന്ന് യുവതി ആത്മഹത്യ ചെയ്ത സംഭവത്തില്‍ വനിതാ കമ്മീഷൻ കേസ് രജിസ്റ്റർ ചെയ്തു. വനിതാ കമ്മീഷൻ അംഗം ഷാഹിദ കമലിന് പെൺകുട്ടിയുടെ മാതാപിതാക്കൾ നൽകിയ പരാതിയെ തുടർന്നാണ് കേസ് രജിസ്റ്റർ ചെയ്തത്.
ഇരവിപുരം വാഴക്കൂട്ടത്തില്‍ ചിറവിള പുത്തന്‍വീട്ടില്‍ റഹിം, നദീറ ദമ്പതികളുടെ മകളായ റാംസിയെ (25) കഴിഞ്ഞ വ്യാഴാഴ്ച വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. സംഭവത്തില്‍ പ്രതിഷേധം ശക്തമായതോടെയാണ് വനിതാ കമ്മീഷന് അംഗം തിങ്കളാഴ്ച രാവിലെ പതിനൊന്നൊടെ റംസി യുടെ വീട്ടിലെത്തി മാതാപിതാക്കളില്‍ നിന്നും വിവരങ്ങള്‍ ശേഖരിച്ചത്. ഇത്തരം സംഭവങ്ങൾ സമൂഹത്തിൽ ആവർത്തിക്കാതിരിക്കാൻ കമ്മീഷൻ ഉചിതമായ നടപടി സ്വീകരിക്കുമെന്നും പ്രതികൾക്ക് ഉചിതമായ ശിക്ഷ ലഭിക്കുമെന്നും വനിതാ കമ്മീഷൻ അംഗം ഷാഹിദ കമൽ പറഞ്ഞു. പെൺകുട്ടിയുടെ ആത്മഹത്യയുടെ കാരണം വിശദമായ അന്വേഷണം നടത്താൻ കോട്ടിയം സിഐഎയ്ക്ക് നിർദേശം നൽകി. അന്വേഷണത്തിനിടെ പോലീസിന് ലഭിച്ച വിവരങ്ങൾ റിപ്പോർട്ട് ചെയ്യാൻ കമ്മീഷന് നിർദേശം നൽകിയിട്ടുണ്ടെന്നും അവർ പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
