തമിഴ് സൂപ്പര്താരം രജിനികാന്തിനെ ഹൈദരാബാദിലെ ആശുപത്രിയില് നിന്ന് ഡിസ്ചാര്ജ് ചെയ്തു. രക്തസമ്മര്ദം കാരണം വെള്ളിയാഴ്ചയാണ് അദ്ദേഹത്തെ ആശുപത്രിയില് പ്രവേശിപ്പിച്ചിരുന്നത്. ഭയപ്പെടത്തക്ക ഒന്നുമില്ലെന്ന മെഡിക്കല് റിപ്പോര്ട്ടിനെ തുടര്ന്നാണു രജനിയെ ഡിസ്ചാര്ജ് ചെയ്തത്.
അദ്ദേഹത്തിന്റെ രക്തസമ്മര്ദം സാധാരണ നിലയില് ആയിട്ടുണ്ടെന്നും സുഖം പ്രാപിച്ചു വരുന്നതായും ആശുപത്രി അധികൃതര് പറഞ്ഞു. ഡിസംബര് 25ന് രാവിലെയാണ് രജനിയെ ആശുപത്രിയില് പ്രവേശിപ്പിച്ചത്. മെഡിക്കല് റിപ്പോര്ട്ടുകളില് ആശങ്കപ്പെടുന്ന രീതിയില് ഒന്നും തന്നെയില്ലെന്നും അദ്ദേഹം പൂര്ണ്ണ ആരോഗ്യവാനാണെന്നും ആശുപത്രി അധികൃതര് പറഞ്ഞു.ഒരാഴ്ച അദ്ദേഹത്തിന് പൂര്ണ്ണവിശ്രമം വേണമെന്നും ഡോക്ടര്മാര് പറഞ്ഞു.
രജനിയുടെ പുതിയ ചിത്രമായ ‘അണ്ണാത്തെ’യുടെ സെറ്റില് എട്ടു പേര്ക്ക് കൊവിഡ് ബാധിച്ചിരുന്നു. തുടര്ന്ന് ഷൂട്ടിങ് നിര്ത്തിവെക്കുകയായിരുന്നു. ഇതേത്തുടര്ന്ന് ഡിസംബര് 22 ന് നടത്തിയ കൊവിഡ് പരിശോധനയില് രജനീകാന്തിന് കൊവിഡ് നെഗറ്റീവായിരുന്നു. അന്നു മുതല് തന്നെ വീട്ടില് ഐസൊലേഷനിലായിരുന്നു അദ്ദേഹം. എന്നാല് രാവിലെയോടെ രക്തസമ്മര്ദ്ദത്തില് വ്യതിയാനം ഉണ്ടാവുകയായിരുന്നു. തുടര്ന്ന് ഉടന് തന്നെ അദ്ദേഹത്തെ ആശുപത്രിയിലേക്ക് മാറ്റുകയായിരുന്നു
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
