തിരുവനന്തപുരം: അവസാന വര്ഷ ബിരുദ, ബിരുദാനന്തര വിദ്യാര്ത്ഥികള്ക്ക് കോളേജുകള് തുറക്കുന്നതിനാല് അവര്ക്കുള്ള കൊവിഡ് വാക്സിനേഷന് സൗകര്യമൊരുക്കുമെന്ന് മന്ത്രി വീണാ ജോര്ജ് അറിയിച്ചു. കോളേജുകളിലെത്തുന്നതിന് മുമ്ബായി എല്ലാ വിദ്യാര്ത്ഥികളും കൊവിഡ് വാക്സിന് ഒരു ഡോസെങ്കിലും എടുക്കേണ്ടതാണ്. രണ്ടാമത്തെ ഡോസ് സ്വീകരിക്കുവാന് കാലാവധി ആയിട്ടുള്ളവര് രണ്ടാമത്തെ ഡോസ് വാക്സിനും എടുക്കണം.
വിദ്യാര്ത്ഥികള്ക്ക് വാക്സിന് ലഭിക്കുന്നതിനായി തൊട്ടടുത്തുള്ള ആരോഗ്യ പ്രവര്ത്തകരുമായോ ആശാ പ്രവര്ത്തകരുമായോ ബന്ധപ്പെടണമെന്നും മന്ത്രി വ്യക്തമാക്കി.
സര്ക്കാര് വാക്സിനേഷന് കേന്ദ്രങ്ങളില് നിന്നും വാക്സിന് സൗജന്യമായി ലഭ്യമാണ്. തിരഞ്ഞെടുക്കപ്പെട്ട സ്വകാര്യ ആശുപത്രികളില് നിന്നും സര്ക്കാര് നിശ്ചയിച്ചിട്ടുള്ള നിരക്കില് കൊവിഡ് വാക്സിന് ലഭിക്കുമെന്നും മന്ത്രി അറിയിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.