ഷോപ്പിയാന്‍: ജമ്മു കശ്മീരിലെ ഷോപിയാനിൽ വ്യാഴാഴ്ച പുലർച്ചെ നടന്ന ഏറ്റുമുട്ടലിൽ ഒരു ഭീകരനെ സുരക്ഷാ സേന വധിച്ചതായി വാർത്താ ഏജൻസി ANI റിപ്പോർട്ട് ചെയ്തു. ഒരു പിസ്റ്റളും വെടിയുണ്ടകളും ഇയാളുടെ പക്കൽ നിന്ന് കണ്ടെടുത്തു. ബുധനാഴ്ച രാത്രിയാണ് കശ്വാ ഗ്രാമത്തിൽ ഏറ്റുമുട്ടൽ ആരംഭിച്ചത്. പ്രദേശവാസികള്‍ക്ക് നേരെ ഭീകരന്‍ വെടിയുതിര്‍ത്തതിന് പിന്നാലെയാണ് സുരക്ഷാസേന പ്രദേശത്ത് തിരച്ചില്‍ നടത്തിയത്. അതേസമയം, പരിക്കേറ്റ സിവിലിയനെ പ്രാദേശിക ആശുപത്രിയിൽ പ്രവേശിപ്പിച്ചതായി പോലീസ് അറിയിച്ചു.
തിങ്കളാഴ്ച തെക്കന്‍ കശ്മീരിലെ ഷോപ്പിയാനില്‍ സുരക്ഷാസേന നടത്തിയ ഏറ്റുമുട്ടലില്‍ നാല് ഭീകരരെ വധിച്ചിരുന്നു. കഴിഞ്ഞയാഴ്ച ഷോപ്പിയാനിലെ റാവല്‍പോറ വില്ലേജില്‍ നടത്തിയ തിരച്ചിലില്‍ ജെയ്ഷെ മുഹമ്മദ് കമാണ്ടര്‍ അടക്കം മൂന്ന് ഭീകരരെയും വധിച്ചിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
