ന്യൂദൽഹി: വഡോദരയിലെ വാഗോഡിയ ക്രോസിംഗ് ഹൈവേയിൽ രണ്ട് ട്രക്കുകൾ തമ്മിൽ കൂട്ടിയിടിച്ച് അഞ്ച് സ്ത്രീകൾ ഉൾപ്പെടെ 11 പേർ മരിച്ചു. 17 പേർക്ക് പരിക്കേറ്റു. വഡോദര അപകടത്തിൽ പ്രധാനമന്ത്രി മോദി ദുഃഖം രേഖപ്പെടുത്തി. അപകടസ്ഥലത്ത് ഭരണകൂടം സാധ്യമായ എല്ലാ സഹായങ്ങളും നൽകുന്നുണ്ടെന്ന് ട്വീറ്റിൽ പ്രധാനമന്ത്രി മോദി പറഞ്ഞു.
“വഡോദരയിലെ അപകടത്തിൽ ദുഃഖിതനാണ്. എന്റെ ചിന്തകൾ അവരുടെ പ്രിയപ്പെട്ടവരെ നഷ്ടപ്പെട്ടവരുടേതാണ്. പരിക്കേറ്റവർ ഉടൻ സുഖം പ്രാപിക്കണമെന്ന് പ്രാർത്ഥിക്കുന്നു. അപകടസ്ഥലത്ത് ഭരണകൂടം സാധ്യമായ എല്ലാ സഹായങ്ങളും നൽകുന്നു,” പ്രധാനമന്ത്രി ട്വിറ്ററിൽ കുറിച്ചു.
പുലർച്ചെ 2.45 ഓടെ നഗരത്തിനടുത്തുള്ള വാഗോഡിയ സർക്കിളിലാണ് പഞ്ച്മഹൽ ജില്ലയിലെ പവഗഡിലേക്ക് പോകുമ്പോൾ അപകടമുണ്ടായതെന്ന് വഡോദര ഡെപ്യൂട്ടി പോലീസ് കമ്മീഷണർ കരൺരാജ് വാഗേല പറഞ്ഞു.
ബുധനാഴ്ച പുലർച്ചെയുണ്ടായ അപകടത്തിൽ 11 പേർ മരിച്ചുവെന്ന് സർ സയാജിറാവു ജനറൽ ആശുപത്രി സൂപ്രണ്ട് രഞ്ജൻ അയ്യർ പറഞ്ഞു. അപകടത്തിൽ പരിക്കേറ്റ 17 പേരെ ആശുപത്രിയിൽ പ്രവേശിപ്പിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
