കൊച്ചി: മോശം കാലാവസ്ഥയെ തുടർന്ന് ദുബായ്-കോഴിക്കോട് സ്‌പൈസ് ജെറ്റ് വിമാനം കരിപ്പൂരിൽ ഇറക്കാനായില്ല. കരിപ്പൂരിൽ ഇറങ്ങേണ്ട വിമാനം നെടുമ്പാശ്ശേരിയിലേക്ക് തിരിച്ചുവിട്ടു. ഒരു മണിക്കൂറില്‍ കൂടുതല്‍ സമയം വിമാനത്തില്‍ കാത്തിരിക്കേണ്ടിവന്നതിനെ തുടര്‍ന്ന് യാത്രക്കാര്‍ പ്രതിഷേധിച്ചു.
ഇന്ന് പുലര്‍ച്ചെ 4.30-ഓടെയാണ് വിമാനം കരിപ്പൂരില്‍ ഇറങ്ങേണ്ടിയിരുന്നത്. കനത്ത മഴ കാരണം വിമാനം കരിപ്പൂരില്‍ ഇറക്കാൻ കഴിഞ്ഞില്ല. തുടര്‍ന്നാണ് കൊച്ചിയിലേക്ക് തിരിച്ചുവിട്ടത്. നെടുമ്ബാശേരിയിലെത്തിയ വിമാനത്തില്‍ നിന്നും ഒരു മണിക്കൂറിന് ശേഷമാണ് പുറത്തിറങ്ങാൻ അനുവദിച്ചത്. ഇതിനെ തുടര്‍ന്ന് യാത്രക്കാരും വിമാന ജീവനക്കാരും തമ്മില്‍ വാക്കുതര്‍ക്കമുണ്ടായി. പുതിയ വിമാനം കൊണ്ടുവന്ന ശേഷം കരിപ്പൂരില്‍ എത്തിക്കാമെന്നാണ് ഇപ്പോള്‍ സ്‌പൈസ് ജെറ്റ് അധികൃതര്‍ യാത്രക്കാരെ അറിയിച്ചിരിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
