കോട്ടയം: ഭക്ഷ്യ വിഷബാധയെ തുടര്ന്ന് കോട്ടയം മെഡിക്കല് കോളേജില് ചികിത്സയിലിരിക്കെ മരണപ്പെട്ട പാലത്തറ സ്വദേശി രശ്മി രാജിനുണ്ടായത് (33) ഗുരുതരമായ ആരോഗ്യ പ്രശ്നങ്ങള്. തിരുവാര്പ്പ് പാലത്തറ രാജു-അംബിക ദമ്പതിമാരുടെ മകളാണ്.രശ്മി രാജ് .കഴിഞ്ഞ 29-ന് കോട്ടയം സംക്രാന്തിയിലുള്ള മലപ്പുറം കുഴിമന്തി ഹോട്ടലില്നിന്ന് ഓര്ഡര് ചെയ്ത് വരുത്തിയ അല്ഫാം ആണ് രശ്മി കഴിച്ചത്. മെഡിക്കല് കോേളജ് നഴ്സിങ് ഹോസ്റ്റലിലേക്ക് വരുത്തിയാണ് ഭക്ഷണം കഴിച്ചത്. സഹോദരന് വിഷ്ണുരാജിനും ഈ ഹോട്ടലില്നിന്ന് ഭക്ഷണം കഴിച്ച മറ്റ് 26 പേര്ക്കും ഭക്ഷ്യവിഷബാധ ഏറ്റിട്ടുണ്ട്.രശ്മി രാജ് ഭക്ഷണം കഴിച്ച് രാത്രി ആയപ്പോള് ഛര്ദിയും വയറിളക്കവും ഉണ്ടായി. തുടര്ന്ന് മെഡിക്കല് കോളജില് പ്രവേശിപ്പിക്കുകയായിരുന്നു. പരിശോധനയില് വയറ്റില് അണുബാധയാണെന്ന് സ്ഥിരീകരിച്ചതോടെ ഉടന് ട്രോമ കെയര് തീവ്രപരിചരണ യൂണിറ്റിലേക്ക് മാറ്റി. രോഗാവസ്ഥ ഗുരുതരമാകുകയും അണുബാധ, വൃക്കയും കരളുമടക്കമുള്ള അവയവങ്ങളെ ബാധിച്ചതിനെ തുടര്ന്ന് വെന്റിലേറ്ററിലേക്ക് മാറ്റി. എന്നാല്, തിങ്കളാഴ്ച രാത്രി ഏഴുമണിയോടെ മരിച്ചു. അതിനിടെ ഡയാലിസിസിന് വിധേയമാക്കിയെങ്കിലും ഫലമുണ്ടായില്ല. അതെ സമയം സംക്രാന്തിയിലെ മലപ്പുറം കുഴിമന്തി റസ്റ്റോറന്റില്നിന്ന് രണ്ടുദിവസം മുന്പ് ഭക്ഷണം കഴിച്ച ഒട്ടേറെപ്പേര്ക്ക് ഭക്ഷ്യവിഷ ബാധയേറ്റ സാഹചര്യത്തില് നഗരസഭാ അധികൃതര് ഹോട്ടലിന്റെ ലൈസന്സ് സസ്പെന്ഡ് ചെയ്യുകയും കട പൂട്ടിക്കുകയും ചെയ്തിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
