കൊളംബോ: ഏഷ്യാ കപ്പ് സൂപ്പര് ഫോറിലെ അവസാന മത്സരത്തില് ടോസ് നേടിയ ഇന്ത്യ ബംഗ്ലാദേശിനെ ബാറ്റിങ്ങിനയച്ചു. നിലവില് 11 ഓവര് പിന്നിടുമ്പോള് മൂന്ന് വിക്കറ്റ് നഷ്ടത്തില് 49 റണ്സെന്ന നിലയിലാണ് ബംഗ്ലാദേശ്. തന്സിദ് ഹസന് (13), ലിറ്റണ് ദാസ് (0), അനാമുള് ഹഖ് (4) എന്നിവരുടെ വിക്കറ്റുകളാണ് ബംഗ്ലാദേശിന് നഷ്ടമായത്. ഷാക്കിബ് അല് ഹസന് (17), മെഹ്ദി ഹസന് (7) എന്നിവരാണ് ക്രീസില്.സൂപ്പര് ഫോറില് പാകിസ്താനെയും ശ്രീലങ്കയേയും പരാജയപ്പെടുത്തി ഇന്ത്യ നേരത്തേ തന്നെ ഫൈനല് ഉറപ്പിച്ചിരുന്നു
കഴിഞ്ഞ മത്സരത്തില് നിന്ന് അഞ്ച് മാറ്റങ്ങളുമായാണ് ഇന്ത്യ ഇറങ്ങുന്നത്. വിരാട് കോലി, ഹാര്ദിക് പാണ്ഡ്യ, ജസ്പ്രീത് ബുംറ, കുല്ദീപ് യാദവ്, മുഹമ്മദ് സിറാജ് എന്നിവര്ക്ക് വിശ്രമം അനുവദിച്ചപ്പോള് സൂര്യകുമാര് യാദവ്, തിലക് വര്മ, മുഹമ്മദ് ഷമി, പ്രസിദ്ധ് കൃഷ്ണ, ശാര്ദുല് താക്കൂര് എന്നിവര് ടീമിലെത്തി. തിലക് വര്മ ഏകദിനത്തില് അരങ്ങേറ്റം കുറിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
