അഞ്ച് വയസ്സില് താഴെയുള്ള കുഞ്ഞുങ്ങള്ക്ക് പള്സ് പോളിയോ പ്രതിരോധ തുള്ളിമരുന്ന് വിതരണം ചെയ്യുന്നത് ജനുവരി 31 ലേക്ക് മാറ്റിവച്ചു. ജനുവരി 16-ന് രാജ്യമെമ്ബാടും കോവിഡ് വാക്സിന് വിതരണം തുടങ്ങാനിരിക്കവെയാണ് നടപടി. കേന്ദ്ര ആരോഗ്യ കുടുംബക്ഷേമ മന്ത്രാലയം രാഷ്ട്രപതിയുടെ ഓഫീസുമായി നടത്തിയ കൂടിയാലോചനയ്ക്കു പിന്നാലെയാണ് നാഷണല് ഇമ്യുണൈസേഷന് ദിനം മാറ്റിവെക്കാന് തീരുമാനിച്ചതെന്ന് കേന്ദ്രസര്ക്കാര് പ്രസ്താവനയില് അറിയിച്ചു.
അതേസമയം സംസ്ഥാനത്ത് വിവിധ കേന്ദ്രങ്ങളിലേക്കുള്ള കോവിഡ് വാക്സിന് വിതരണം ആരംഭിച്ചതായി ആരോഗ്യ മന്ത്രി കെ.കെ. ശൈലജ ടീച്ചര് അറിയിച്ചു.
സംസ്ഥാനത്ത് ആകെ 4,33,500 ഡോസ് വാക്സിനുകളാണ് എത്തിയത്. പൂനെ സിറം ഇന്സ്റ്റിറ്റ്യൂട്ട് ഓഫ് ഇന്ത്യയില് നിന്നുള്ള കൊവിഷീല്ഡ് വാക്സിനുകള് വിമാനമാര്ഗമാണ് കൊച്ചി എയര്പോര്ട്ടിലും തിരുവനന്തപുരം എയര്പോര്ട്ടിലും എത്തിച്ചത്.
കൊച്ചിയിലെത്തിച്ച 1,80,000 ഡോസ് വാക്സിനുകള് എറണാകുളം റീജിയണല് വാക്സിന് സ്റ്റോറിലും 1,19,500 ഡോസ് വാക്സിനുകള് കോഴിക്കോട് റീജിയണല് വാക്സിന് സ്റ്റോറിലും തിരുവനന്തപുരത്തെത്തിച്ച 1,34,000 ഡോസ് വാക്സിനുകള് തിരുവനന്തപുരത്തെ റീജിയണല് വാക്സിന് സ്റ്റോറിലും എത്തിച്ചിട്ടുണ്ട്. കോഴിക്കോട് വന്ന വാക്സിനില് നിന്നും 1,100 ഡോസ് വാക്സിനുകള് മാഹിക്കുള്ളതാണെന്ന് മന്ത്രി വ്യക്തമാക്കി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
