ന്യൂഡല്ഹി: ഡീസല് ലിറ്ററിന് നാലു രൂപയും പെട്രോള് രണ്ടര രൂപയും കാർഷിക ഇൻഫ്രാസ്ട്രക്ചർ ആന്റ് ഡെവലപ്മെന്റ് സെസ് (എ.ഐ.ഡി.സി) ഏർപ്പെടുത്തുമെന്ന് ധനമന്ത്രി നിർമ്മല സീതാരാമൻ 2021-2022 ബജറ്റിൽ പറഞ്ഞു. ഇറക്കുമതി തീരുവ കുറവു വരുത്തിയതിനാല് ഇത് ഇന്ധന വിലയില് പ്രതിഫലിക്കില്ല.
മദ്യത്തിന് നൂറു ശതമാനം അഗ്രി ഇന്ഫ്രാ സെസ് ഏര്പ്പെടുത്താനും ബജറ്റില് നിര്ദേശമുണ്ട്. അസംസ്കൃത പാമോയില്- 5 ശതമാനം, അസംസ്കൃത സൊയാബീന് -20 ശതമാനം എന്നിവയ്ക്കും അഗ്രി സെസ് ഏര്പ്പെടുത്തും.
സ്വര്ണക്കട്ടി, വെള്ളിക്കട്ടി എന്നിവയ്ക്ക് അഞ്ചു ശതമാനവും ചില വളങ്ങള്ക്ക് അഞ്ചു ശതമാനവും കല്ക്കരിക്ക് ഒന്നര ശതമാനവും അഗ്രി സെസ് ഈടാക്കും. കടല, പീസ്, പരിപ്പ് , പരുത്തി എന്നിവയ്ക്കും അഗ്രി സെസ് ഈടാക്കുമെന്ന് ബജറ്റില് പറയുന്നു. നാളെ മുതല് ഇതു നിലവില് വരും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
