ബോളിവുഡിന്റെ പ്രിയ താരങ്ങളാണ് കരീന കപൂറും ഹൃത്വിക് റോഷനും ഇരുവരും ജോഡികളായെത്തിയ ചിത്രങ്ങൾ ഇന്നും പ്രേക്ഷകർക്ക് പ്രിയപ്പെട്ടവയാണ്. ‘കഭി ഖുശി കഭി ഗം’ എന്ന ചിത്രത്തിലാണ് താരങ്ങൾ ആദ്യമായി ഒന്നിച്ചഭിനയിച്ചത് . അതാകട്ടെ ബോളിവുഡിന്റെ എക്കാലത്തെയും സൂപ്പർ ഹിറ്റ് ചിത്രമായി മാറി. ഇപ്പോഴിതാ ഈ താര ജോഡികൾ വീണ്ടും ഒന്നിക്കുന്നുവെന്ന റിപ്പോർട്ടുകളാണ് പുറത്തു വരുന്നത്.
ബോളിവുഡ് ലൈഫിന്റെ റിപ്പോർട്ട് അനുസരിച്ച് നീണ്ട 19 വർഷങ്ങൾക്ക് ശേഷം ഇരുവരും വീണ്ടും ഒന്നിക്കുന്നത്. ജംഗ്‌ലീ പിക്‌ചേഴ്‌സിന്റെ ബാനറിൽ ഒരു ചിത്രത്തിനായി പ്രമുഖ ചലച്ചിത്ര നിർമ്മാതാവ് അഭിനേതാക്കളെ സമീപിച്ചതായാണ് വാർത്ത. ചിത്രത്തിന് ‘ഉലജ്’ എന്നാണ് പേരിട്ടിരിക്കുന്നത്. ചിത്രം ഇപ്പോൾ പ്രാരംഭ ഘട്ടത്തിലാണെന്നും താരങ്ങളുടെ ഡേറ്റ് ലഭ്യതയെ ആശ്രയിച്ചാകും തുടർ നടപടികൾ.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
