ക്രിക്കറ്റ് ബാറ്റുകൊണ്ട് ഭാര്യ ഭർത്താവിനെ മർദിക്കുന്ന വീഡിയോ ; കോടതിക്ക് മുന്നില്‍ സിസിടിവി ദൃശ്യങ്ങള്‍ സമർപ്പിച്ച് ഭർത്താവ്

Strange case of domestic violence. A school principal in Rajasthan's #Alwar has moved court seeking protection. He has produced cctv footage of himself getting beaten up by his #wife ! pic.twitter.com/3J8w8s6Rvq
— 𝓣𝓻𝓲𝓿𝓮𝓭𝓲 𝓳𝓲 (@SanjeevKTrivedi) May 25, 2022

ഭര്‍ത്താവ് ഭാര്യയെ ഉപദ്രവിക്കുന്ന കേസുകളാണ് അധികവും ഉണ്ടാകുന്നത് .എന്നാൽ രാജസ്ഥാനിലെ കോടതിക്ക് മുന്നില്‍ കഴിഞ്ഞ ദിവസമെത്തിയത് തികച്ചും വ്യത്യസ്തമായൊരു പരാതിയാണ്. അതും വീഡിയോ സഹിതം . ഭാര്യയുടെ നിരന്തര പീഡനം സഹിക്കാതെ ഭർത്താവ് സമർപ്പിച്ച ഹർജിയായിരുന്നു കോടതിക്കു മുന്നിലെത്തിയത്. ഭര്‍ത്താവിന് പുറകെ ക്രിക്കറ്റ് ബാറ്റുമായി ഓടി മര്‍ദിക്കുന്ന ഭാര്യയുടെ വീഡിയോ കോടതിക്ക് മുന്നില്‍ തെളിവായി സമർപ്പിക്കുകയും ചെയ്തു . ഇതോടെ പരാതിയില്‍‌ നടപടിയെടുക്കാന്‍ കോടതി നിര്‍ദേശിച്ചു.ഹരിയാനയിലെ കര്‍ക്കാര സര്‍ക്കാര്‍ സ്‌കൂള്‍ പ്രിന്‍സിപ്പല്‍ അജിത് യാദവാണ് പരാതിക്കാരന്‍. ഭാര്യ സുമന്‍ യാദവിനെതിരായാണ് പരാതി. ഇരുവരേടേയും പ്രണയ വിവാഹമായിരുന്നുവെങ്കിലും കഴിഞ്ഞ ഒരു വര്‍ഷത്തിലധികമായി ഭാര്യ തന്നെ സ്ഥിരമായി മർദിക്കുറുണ്ടെന്ന് പരാതിയില്‍ പറയുന്നു. ക്രിക്കറ്റ് ബാറ്റ്, ഇരുമ്പ് പാത്രങ്ങള്‍ മറ്റ് ആയുധങ്ങള്‍ തുടങ്ങിയവ ഉപയോഗിച്ചാണ് മർദനം. കൂടാതെ, പ്രത്യേകിച്ച് കാരണമൊന്നുമില്ലാതെ തന്റെ വസ്ത്രങ്ങളും മറ്റ് വസ്തുക്കളുമെല്ലാം നശിപ്പിക്കുന്നുവെന്നും പരാതിയില്‍ പറയുന്നു.ആറ് വയസ്സുള്ള മകന്‍ നോക്കി നില്‍ക്കെയാണ് മർദ്ദനം . മര്‍ദനം വര്‍ധിച്ചതോടെ വീട്ടില്‍ സിസിടിവി ക്യാമറ സ്ഥാപിക്കുകയായിരുന്നു. ഇതില്‍ നിന്നുള്ള വീഡിയോ ആണ് ഇപ്പോള്‍ തെളിവായി സമർപ്പിച്ചിരിക്കുന്നത് സംഭവത്തെ കുറിച്ച് അന്വേഷിക്കാനും പരാതിക്കാരന് സുരക്ഷയൊരുക്കാനും ബീവാടി കോടതി പോലീസിനോട് നിര്‍ദേശിച്ചു. സംഭവത്തെ കുറിച്ച് അന്വേഷിച്ച് വരികയാണെന്ന് ബീവാടി എസ്.പി വിപിന്‍ ശര്‍മ അറിയിച്ചു.

പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.