ന്യൂഡൽഹി∙ വളർത്തുമകളെ ബലാൽസംഗം ചെയ്ത നാൽപതുകാരനെ നാട്ടുകാർ തല്ലിക്കൊന്നു. ഡൽഹിയിലെ ഉത്തംനഗറിൽ നാൽപതുകാരനായ സ്വദേശി വളർത്തുമകളെ ബലാൽസംഗംചെയ്തു . തന്റെ രണ്ടാം ഭർത്താവ് മകളെ പീഡിപ്പിച്ചതായി പെൺകുട്ടിയുടെ അമ്മ പോലീസിൽ മൊഴി നൽകി.വെള്ളിയാഴ്ച വൈകിട്ടോടെ ദാബ്രി പൊലീസ് സ്റ്റേഷനിലേക്ക് ബലാൽസംഗക്കേസ് റിപ്പോർട്ട് ചെയ്തു . എന്നാൽ പൊലീസ് സ്ഥലത്തെത്തുന്നതിന് മുന്‍പ് തന്നെ നാട്ടുകാർ പ്രതിയെ മർദിച്ച് അവശനാക്കിയിരുന്നു. ജനക്കൂട്ടത്തിനിടയിൽനിന്ന് പൊലീസ് പ്രതിയെ മോചിപ്പിച്ച് സ്റ്റേഷനിലേക്കു കൊണ്ടു പോയി രാത്രിയിൽ ഇയാളുടെ ആരോഗ്യനില മോശമായതിനെ തുടർന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മർദനത്തിൽ തലയ്ക്കേറ്റ ഗുരുതരക്ഷതമാണ് മരണകാരണമെന്ന് ആശുപത്രി അധികൃതർ വ്യക്തമാക്കി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
