ചര്മ്മം തിളക്കമുള്ളതും മൃദുലവുമായിരിക്കണമെന്ന് ആഗ്രഹിക്കാത്തവരായിആരും തന്നെ ഉണ്ടാവില്ല ! പ്രായ-ലിംഗ ഭേദമെന്യേ എല്ലാവരും നല്ല ‘സ്കിൻ’ ലഭിക്കാൻ ആഗ്രഹിക്കുന്നവരാണ്. എന്നാല് ചര്മ്മം ഭംഗിയായും ആരോഗ്യത്തോടെയും ഇരിക്കണമെങ്കില് അതിനെ കൃത്യമായി പരിപാലിക്കേണ്ടതുണ്ട്. ചര്മ്മത്തിന്റെ കാര്യത്തില് ഭക്ഷണത്തിന് അത്രമാത്രം പ്രാധാന്യമുണ്ട്. നാം എന്ത് കഴിക്കുന്നു എന്നത് ചര്മ്മത്തില് നിന്ന് തന്നെ വ്യക്തമാകുന്നതാണ്. അതിനാല് തന്നെ ചര്മ്മത്തിന്റെ ആരോഗ്യം കൂടി പരിഗണിച്ചുകൊണ്ടുള്ള ഭക്ഷണങ്ങള് കൂടുതലായി ഡയറ്റിലുള്പ്പെടുത്താൻ പ്രത്യേകം ശ്രദ്ധിക്കേണ്ടതുണ്ട്. ഹെര്ബല് ചായകള്, നട്ട്സ്, സീഡ്സ്, പഴച്ചാറുകള് എല്ലാം ഇത്തരത്തില് ഡയറ്റിലുള്പ്പെടുത്താവുന്നവയാണ്. സ്കിൻ’ തിളക്കമുള്ളതാക്കാൻ സഹായിക്കുന്നൊരു ‘ഗ്രീന്’ ജ്യൂസിനെ പരിചയപ്പെടാം ചീരയാണ് ഇതിലെ പ്രധാന ചേരുവ. ചീരയ്ക്ക് പുറമെ ഗ്രീന് ആപ്പിള്, സെലറി, ചെറുനാരങ്ങ, കക്കിരി എന്നിവയാണ് ജ്യൂസ് തയ്യാറാക്കാൻ ആവശ്യമായി വരുന്നത്. ചീര നന്നായി കഴുകി അല്പനേരം ഊറ്റാൻ വയ്ക്കണം. ശേഷം ചീരയും ആപ്പിളും സെലറിയും കക്കിരിയും ചേര്ത്ത് മിക്സിയിലടിച്ച് ജ്യൂസാക്കി എടുക്കുക. ഇതിലേക്ക് ചെറുനാരങ്ങാനീരും ചേര്ക്കുക. ‘സ്കിൻ’ തിളക്കമുള്ളതാക്കാൻ പതിവായി കഴിക്കാവുന്ന ‘ഗ്രീൻ’ ജ്യൂസ് ഇങ്ങനെയുണ്ടാക്കാം . തയ്യാറാക്കിയ ഉടൻ തന്നെ ഇത് കഴിക്കുക
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.