പല കാര്യങ്ങളും മറന്നുപോകുന്നു, ഓര്മ്മ വയ്ക്കാൻ സാധിക്കുന്നില്ല എന്നെല്ലാം പരാതിപ്പെടുന്നവര് ഏറെയാണ്. ഇത്തരത്തില് മറവി ബാധിക്കുന്നത് പല കാരണങ്ങള് മൂലമാകാം. ചിലത് ആരോഗ്യപരമായി ബന്ധപ്പെടുന്ന കാരണങ്ങളാണെങ്കില് മറ്റുള്ളത് ജീവിതസാഹചര്യങ്ങളുമായി ബന്ധപ്പെടുന്നവയാകാം.
ഓര്മ്മശക്തി കൂട്ടാൻ എന്തൊക്കെ ചെയ്യാം യോഗ ചെയ്യുന്നത് മനസിനെ ‘റീചാര്ജ്ജ്’ചെയ്യാൻ സഹായിക്കും. അതുപോലെ ‘സ്ട്രെസ്’, ഉത്കണ്ഠ, വിരസത എന്നിവ അകറ്റാനും സഹായിക്കും. ഇവയെല്ലാം ഓര്മ്മശക്തി വര്ധിപ്പിക്കാൻ സഹായിക്കും. ശരിയായ ഉറക്കം തലച്ചോറിന് എപ്പോഴും ആവശ്യമാണ്. ഉറക്കക്കുറവ്, ആഴത്തിലുള്ള ഉറക്കം ലഭിക്കാതിരിക്കുക, ഉറക്കം പതിവായി മുറിയുക എന്നിവയെല്ലാം ഓര്മ്മയെ ബാധിക്കാം. ശരീരത്തിന് മാത്രമല്ല മനസിനും വ്യായാമം ആവശ്യമാണ്. ചില ഗെയിമുകളിലേര്പ്പെടുന്നത് ഇത്തരത്തില് ഓര്മ്മശക്തിയെ മെച്ചപ്പെടുത്തിയേക്കാം. ചെസ്, സുഡോകോ അങനെ അതുപോലെ എന്തിനും ഏതിനും ഇന്റര്നെറ്റ് വിവരങ്ങളെ ആശ്രയിക്കുന്നതിന് പകരം നമ്മള് തന്നെ ഓര്ത്തെടുക്കാൻ ശ്രമിക്കുക. ഈ പരിശീലനവും ഓര്മ്മ വര്ധിപ്പിക്കും. പതിവായി ഒരേ കാര്യങ്ങള് മാത്രം ചെയ്യുകയും ഒരുപോലെ ചിന്തിക്കുകയും ചെയ്യുമ്പോള് തലച്ചോര് പരിമിതമായി പ്രവര്ത്തിക്കാൻ കാരണമാകും. അതിനാല് പുതിയ കാര്യങ്ങള് പഠിക്കുന്നതിനും പരിശീലിക്കുന്നതിനും സമയം കണ്ടെത്തുക. ഇവ ചിന്താശേഷിയെ സ്വാധീനിക്കുകയും ഓര്മ്മശക്തി വര്ധിപ്പിക്കുകയും ചെയ്യും. നാം കഴിക്കുന്ന ഭക്ഷണവും നമ്മുടെ ശരീരത്തിന്റെയും മനസിന്റെയും ആരോഗ്യത്തെ സ്വാധീനിക്കുന്നുണ്ട്. പോഷകങ്ങളടങ്ങിയ ഭക്ഷണം കഴിക്കുന്നത് തലച്ചോറിന്റെ പ്രവര്ത്തനത്തെ നല്ലരീതിയില് സ്വാധീനിക്കുന്നു. ബദാം, ഡാര്ക് ചോക്ലേറ്റ്, മഞ്ഞള് തുടങ്ങിയ ഭക്ഷണപദാര്ത്ഥങ്ങള് പ്രത്യേകിച്ചും ഓര്മ്മശക്തിക്ക് നല്ലതാണ്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.