തിരുവനന്തപുരം: ഓണദിനത്തത്തിലും തൂവെള്ള വസ്ത്രത്തില് തിളങ്ങി മുഖ്യമന്ത്രി. എന്നാല്, ഭാര്യയടക്കം ബാക്കിയെല്ലാവരും ചുവപ്പും വെള്ളയും ചേര്ന്ന പ്രത്യേക ഡ്രസ് കോഡാണ് തെരഞ്ഞെടുത്തത്.
ഇതിന്റെ ഫോട്ടോ മരുമകനും മന്ത്രിയുമായ പി.എ മുഹമ്മദ് റിയാസ് ഫേസ്ബുക്കില് പങ്കുവെച്ചു. ഭാര്യ കമല, മകള് വീണ, മരുമകനും മന്ത്രിയുമായ മുഹമ്മദ് റിയാസ്, മകന് വിവേക് കിരണ്, കൊച്ചുമകന് ഇഷാന് എന്നിവര്ക്കൊപ്പം ഓണക്കോടിയില് മുഖ്യമന്ത്രി ഫോട്ടോക്ക് പോസ് ചെയ്തു. ചുവപ്പ് ബ്ലൗസും സെറ്റുസാരിയുമാണ് ഭാര്യയുടെയും മകളുടെയും വേഷം. മകനും മരുമകനും ചുവപ്പ് കുര്ത്തയും മുണ്ടും ഉടുത്തപ്പോള് കൊച്ചുമകന്റെ വേഷം ചുവപ്പ് ജുബ്ബയും മുണ്ടുമാണ്. വിവാഹശേഷം വീണക്കൊപ്പമുള്ള റിയാസിന്റെ മൂന്നാമത്തെ ഓണമാണിത്.
ലോകമെമ്ബാടുമുള്ള മലയാളികള്ക്ക് മുഖ്യമന്ത്രി ഓണം ആശംസിച്ചു. ഭേദചിന്തകള്ക്കതീതമായ മനുഷ്യമനസ്സുകളുടെ ഒരുമ വിളംബരം ചെയ്യുന്ന സങ്കല്പ്പമാണ് ഓണത്തിന്റേതെന്നും സമൃദ്ധിയുടെയും ഐശ്വര്യത്തിന്റെയും സമാധാനത്തിന്റെയും സ്വപ്നങ്ങളുടെ സാക്ഷാത്കാരമായാണ് മലയാളി ഓണത്തെ കാണുന്നതെന്നും മുഖ്യമന്ത്രി സമൂഹ മാധ്യമത്തില് കുറിച്ചു.
ഒരുവിധത്തിലുള്ള അസമത്വവും ഇല്ലാത്തതും മനുഷ്യരെല്ലാം തുല്യരായി പുലരേണ്ടതുമായ ഒരു കാലം ഉണ്ടായിരുന്നുവെന്ന് ഓണസങ്കല്പ്പം നമ്മോടു പറയുന്നു. വരുംകാലത്ത് സമാനമായ ഒരു സാമൂഹ്യക്രമം സാധിച്ചെടുക്കുന്നതിനുള്ള ശ്രമങ്ങള്ക്ക് ഊര്ജം പകരുന്ന ചിന്തയാണിത്. ആ നിലക്ക് ഓണത്തെ ഉള്ക്കൊള്ളാനും എല്ലാ വേര്തിരിവുകള്ക്കുമതീതമായി ഒരുമിക്കാനും നമുക്ക് കഴിയണമെന്നും മുഖ്യമന്ത്രി ആവശ്യപ്പെട്ടു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
