ലോകകപ്പിന്റെ ചരിത്രത്തിലെ ഏറ്റവും വലിയ അട്ടിമറികളില് ഒന്ന്. ലോകം ഞെട്ടിത്തരിച്ച നിമിഷം. ലോകകപ്പ് ഫുട്ബോളില് അര്ജന്റീനയെ മുട്ടികുത്തിച്ച് ചരിത്രം രചിച്ച് സൗദി അറേബ്യ. ഗ്രൂപ്പ് സിയിലെ ആദ്യ മത്സരത്തില് ഒന്നിനെതിരേ രണ്ട് ഗോളുകള്ക്കായിരുന്നു അര്ജന്റീനയുടെ തോല്വി. ലോകകപ്പിന്റെ ചരിത്രത്തില് അര്ജന്റീന നേരിടുന്ന ഏറ്റവും വലിയ തോല്വികളില് ഒന്നാണിത്. ലയണല് മെസ്സി എട്ടാം മിനിറ്റില് നേടിയ പെനാല്റ്റി ഗോളില് ലീഡ് ചെയ്തശേഷമാണ് അര്ജന്റീന തോല്വി ഏറ്റുവാങ്ങിയത്. ഓഫ്സൈഡ് കെണയിലും ഗോളിയുടെ മിടുക്കിനു മുന്നിലും വീണുതളര്ന്ന അര്ജന്റീന ലീഡിനുവേണ്ടി നാല്പത്തിയെട്ടാം മനിറ്റില് അല് ഷെഹ്രിയാണ് സൗദിയെയും ലോകത്തെയും ഞെട്ടിച്ചു കൊണ്ട് സമനില ഗോള് നേടിയത്. അഞ്ച് മിനിറ്റിനുള്ളില് ബോക്സിന്റെ വക്കില് നിന്ന് മുഴുവന് ഡിഫന്ഡര്മാരുടെയും തലയ്ക്ക് മുകളിലൂടെ ഒരു വെടിയുണ്ട പായിച്ച് അല് ദോസരി വിജയഗോളും വലയിലെത്തിച്ചു. അര്ജന്റീനയ്ക്കെതിരേ സൗദി നേടുന്ന ആദ്യ ജയമാണിത്. ലോകകപ്പിന്റെ ചരിത്രത്തിലെ അവരുടെ നാലാമത്തെ മാത്രം ജയമാണിത്
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
