കോഴിക്കോട്: നാദാപുരം തൂണേരിയിൽ സ്‌കൂൾ വിദ്യാർഥിനിയെ ലൈംഗികമായി പീഡിപ്പിച്ച കേസിൽ പ്രവാസി അറസ്റ്റിൽ. തൂണേരി സ്വദേശി പാറോള്ളതില്‍ ഇസ്മായിലിനെ (52) യാണ് നാദാപുരം എസ്ഐ വിനീത് വിജയൻ അറസ്റ്റ് ചെയ്തത്.
2022 ഡിസംബറിലാണ് കേസിനാസ്പദമായ സംഭവം നടന്നത്. ചൈൽഡ് ലൈൻ പ്രവർത്തകരുടെ കൗൺസിലിങ്ങിനിടെയാണ് പീഡന വിവരം പുറത്തറിയുന്നത്. തുടർന്ന് പോലീസിൽ പരാതി നൽകി.
പോലീസിൽ പരാതി നൽകിയ വിവരമറിഞ്ഞ് പ്രതി വിദേശത്തേക്ക് രക്ഷപ്പെട്ടു. പോലീസ് അന്വേഷണം ഊർജിതമാക്കിയതോടെ ഹൈക്കോടതിയിൽ ജാമ്യാപേക്ഷ സമർപ്പിച്ചെങ്കിലും കോടതി തള്ളുകയായിരുന്നു.
ഇതോടെ ഇന്ന് രാവിലെ 10.30ഓടെ പ്രതി സ്റ്റേഷനിൽ കീഴടങ്ങി. ഗവ.താലൂക്ക് ആശുപത്രിയിൽ വൈദ്യപരിശോധന പൂർത്തിയാക്കി. പ്രതിയെ പോക്‌സോ കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
