കോഴിക്കോട്: വെള്ളിമാടുകുന്നിൽ ബ്യൂട്ടി സലൂണിലേക്ക് ഓട്ടോറിക്ഷ നിയന്ത്രണം വിട്ട് ഇടിച്ചുകയറി അപകടം. സലൂണിന്റെ ജനൽച്ചില്ലുകൾ തകർന്നു. ശനിയാഴ്ച രാത്രി ഏഴരയോടെയാണ് സംഭവം.
അപകടത്തിൽ ഓട്ടോറിക്ഷയുടെ മുൻഭാഗം തകർന്നു. അപകടസമയത്ത് ബ്യൂട്ടി സലൂണിനുള്ളിൽ നാല് പേർ ഉണ്ടായിരുന്നതായി കടയുടമ പറഞ്ഞു. രണ്ടുപേർ ഇരുന്നിരുന്ന സ്ഥലത്തേകാണ് ചില്ലുകൾ തകർത്ത് ഓട്ടോ വന്നത്. സലൂണിന് 60,000 രൂപയുടെ നഷ്ടമുണ്ടായതായി കണക്കാക്കുന്നു.
ചേവായൂർ പോലീസ് സ്ഥലത്തെത്തി അന്വേഷണം നടത്തി. ഡ്രൈവർ മദ്യപിച്ചിരുന്നതായി സംശയിക്കുന്നതായി പോലീസ് പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
