കോഴിക്കോട് ഓടിക്കൊണ്ടിരിക്കുന്ന കാറിന് തീപിടിച്ചു. കാറിലുണ്ടായിരുന്നവർ അത്ഭുതകരമായി രക്ഷപ്പെട്ടു. പയ്യോളി പെരുമാള്‍പുരത്ത് വെച്ച്‌ കോഴിക്കോട് നിന്നും ഇരിങ്ങല്‍ കോട്ടക്കലിലേക്ക് പോവുകയായിരുന്ന കാറിനാണ് തീപിടിച്ചത്. കാറിന്റെ മുൻഭാഗം എൻജിൻ ഉൾപ്പെടെ ഭാഗികമായി കത്തിനശിച്ചു.
ഇരിങ്ങൽ കോട്ടക്കൽ സ്വദേശികളായ അബൂബക്കർ (70), അർഷാദ് (34) എന്നിവരാണ് കാറിലുണ്ടായിരുന്നത്. കാറിൽ നിന്ന് അസ്വാഭാവികമായ ശബ്ദം കേട്ട് ദേശീയ പാതയോരത്തേക്ക് നിർത്തിയ ശേഷം രണ്ടുപേരും ഇറങ്ങിയോടുകയായിരുന്നു.
സംസ്ഥാനത്തിന്റെ വിവിധ ഭാഗങ്ങളിൽ വാഹനങ്ങൾക്ക് തീപിടിച്ച സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. കഴിഞ്ഞയാഴ്ച എറണാകുളം കുറുംപ്പംപടിയിൽ കാറിന് തീപിടിച്ചിരുന്നു. വാഹനത്തിൽ നിന്ന് പുക ഉയരുന്നത് കണ്ട് ഡ്രൈവർ ഇറങ്ങിയതിനാൽ വൻ അപകടം ഒഴിവായി. കാർ പൂർണമായും കത്തിനശിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
