ജില്ലയിൽ മഴ തുടരുന്നതിനാലും പലയിടങ്ങളിലായി വെള്ളക്കെട്ടും ശക്തമായ കാറ്റുമുള്ളതിനാലും, നദീതീരങ്ങളിൽ ക്രമാതീതമായി വെള്ളം ഉയരുന്ന സാഹചര്യം നിലനിൽക്കുന്നതിനാലും പ്രൊഫഷണൽ കോളേജ് ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് (ജൂലൈ 25) ജില്ലാ കലക്ടർ അവധി പ്രഖ്യാപിച്ചു. ജില്ലയിലെ അങ്കണവാടികള്ക്കും അവധി ബാധകമാണ്. മുൻകൂട്ടി നിശ്ചയിച്ച പരീക്ഷകളിൽ മാറ്റമില്ല.
അവധിയായതിനാൽ കുട്ടികൾ അനാവശ്യമായി പുറത്തിറങ്ങുന്നത് രക്ഷിതാക്കൾ നിയന്ത്രിക്കണമെന്നും പരിസരങ്ങളിലെ പുഴകളിലോ നദീതടങ്ങളിലോ ഒരു കാരണവശാലും ഇറങ്ങരുതെന്നും ജാഗ്രത പുലർത്തണമെന്നും അഭ്യർത്ഥിക്കുന്നു.
ഔദ്യോഗിക പ്രഖ്യാപനം വരുന്നതിന് മുമ്ബ് തന്നെ കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ച വിരുതന്മാര്ക്ക് മുന്നറിയിപ്പുമായി ജില്ലാ കളക്ടര്.
ദുരന്ത നിവാരണ അതോറിറ്റിയുടെ അടിയന്തിര യോഗം വിളിച്ചു ചേര്ത്ത് സ്ഥിതിഗതികള് വിലയിരുത്തിയ ശേഷം ഇന്നലെ വൈകീട്ട് 7:45 ഓടെയാണ് ചൊവ്വാഴ്ചത്തെ അവധിയുടെ കാര്യം ജില്ലാ കളക്ടര് ഔദ്യോഗികമായി പ്രഖ്യാപിച്ചത്. എന്നാല് ആറ് മണി മുതല് തന്നെ, കോഴിക്കോട് ജില്ലയില് ചൊവ്വാഴ്ച അവധിയാണെന്ന പ്രചാരണം വ്യാപകമായി പ്രചരിച്ചിരുന്നു. ഇത്തരം വ്യാജ വാര്ത്തയും പോസ്റ്ററുകളും പ്രചരിപ്പിച്ചവര്ക്കെതിരെ കര്ശന നടപടി സ്വീകരിക്കുമെന്ന് കളക്ടര് അറിയിച്ചു.
ജില്ലയില് രണ്ടുദിവസമായി ശക്തമായ മഴ തുടരുകയാണ്. മലയോര പ്രദേശങ്ങളിലാണ് മഴ കൂടുതല് ശക്തം. പലയിടങ്ങളിലും നാശനഷ്ടങ്ങളുണ്ടായി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.