കോഴിക്കോട്: പ്രസവ ശസ്ത്രക്രിയയ്ക്കിടെ വയറ്റിൽ കത്രിക കുടുങ്ങിയ സംഭവത്തിൽ മെഡിക്കൽ കോളേജ് ആശുപത്രിക്ക് മുന്നിൽ നടത്തിവന്ന സമരം അവസാനിപ്പിച്ച് ഹർഷീന കോടതിയിലേക്ക്. കേസില് ഡോക്ടര്മാരുള്പ്പെടെയുള്ളവരെ അറസ്റ്റ് ചെയ്യാന് നീക്കവുമായി പോലീസ്. ഹാജരാകാന് ആവശ്യപ്പെട്ട് ഡോക്ടര്മാരുള്പ്പെടെ 4 പ്രതികള്ക്കും ഇന്ന് നോട്ടീസ് നല്കാന് തീരുമാനിച്ചു. കോഴിക്കോട് മെഡിക്കല് കോളേജ് എസിപിക്കു മുമ്ബാകെ ഹാജരാകാനാണ് നിര്ദേശം. പ്രതികളെ കൂടുതല് ചോദ്യം ചെയ്യേണ്ടതുണ്ടെന്ന് അന്വേഷണ സംഘം അറിയിച്ചു. നടപടിക്രമങ്ങള് പാലിച്ചാണ് ആരോഗ്യ പ്രവര്ത്തകരെ പ്രതിചേര്ത്തതെന്നും അന്വേഷണ സംഘം വിശദമാക്കിയിട്ടുണ്ട്.
നഷ്ടപരിഹാരം ആവശ്യപ്പെട്ട് വിദഗ്ധരുമായി ആലോചിച്ച ശേഷം നിയമനടപടി സ്വീകരിക്കുമെന്ന് ഹർഷീന പറയുന്നത്. പോലീസ് കുറ്റക്കാരെ കണ്ടെത്തുന്ന മുറയ്ക്ക് നഷ്ടപരിഹാരം നൽകാൻ സർക്കാർ തയ്യാറാകുമെന്നാണ് കരുതുന്നത്. അല്ലെങ്കില് നിയമനടപടിയിലേക്കുകടക്കുക എന്നാണു കരുതുന്നത്.
ഇന്നലെയാണ് അന്വേഷണ സംഘം പുതുക്കിയ പ്രതിപ്പട്ടിക കുന്ദമംഗലം കോടതിയില് സമര്പ്പിച്ചത്. കേസില് 2 ഡോക്ടര്മാരും 2 നേഴ്സുമാരും ഉള്പ്പെടെ 4 പ്രതികളാണുള്ളത്. രണ്ട് ഡോക്ടർമാർക്കും രണ്ട് നഴ്സുമാർക്കുമെതിരെ മെഡിക്കൽ കോളേജ് പൊലീസ് കുന്ദമംഗലം കോടതിയിൽ കുറ്റപത്രം സമർപ്പിച്ച സാഹചര്യത്തിൽ നഷ്ടപരിഹാരത്തിന് നിയമവഴി തേടുന്നതാണ് നല്ലതെന്ന് സമരസമിതിയും കരുതുന്നു. കോഴിക്കോട് മെഡിക്കൽ കോളേജിലെ പ്രസവ ശസ്ത്രക്രിയയ്ക്കിടെ ഹർഷീനയുടെ വയറ്റിൽ കത്രിക കുടുങ്ങിയതായി കണ്ടെത്തിയതിനെ തുടർന്നാണ് പോലീസ് കുറ്റപത്രം സമർപ്പിച്ചത്. മെഡിക്കൽ നെഗ്ലിജൻസ് പ്രകാരം രജിസ്റ്റർ ചെയ്ത കേസിൽ മഞ്ചേരി മെഡിക്കല് കോളേജിലെ അസിസ്റ്റന്റ് പ്രൊഫസര് ഡോ രമേശന് സി കെ, കോട്ടയം സ്വകാര്യ ആശുപത്രിയിലെ ഡോ ഷഹന എം, കോഴിക്കോട് മെഡിക്കല് കോളേജ് ഐ എം സി എച്ചിലെ നഴ്സുമാരായ രഹന, മഞ്ജു കെ ജി എന്നിവരാണ് പ്രതികള്. ഹര്ഷിനയുടെ പരാതി പ്രകാരം നേരത്തെ പ്രതി ചേര്ത്തിരുന്ന മെഡിക്കല് കോളേജ് ഐ എം സി എച് മുന് സുപ്രണ്ട്, യൂണിറ്റ് മേധാവിമാരായിരുന്ന രണ്ടു ഡോക്ടര്മാര് എന്നിവരെ സംഭവത്തില് പങ്കില്ലെന്ന് കണ്ട് പ്രതിപ്പട്ടികയില് നിന്നും ഒഴിവാക്കിയിട്ടുണ്ട്.
കുറ്റപത്രത്തിന്റെ അടിസ്ഥാനത്തിലാണ് ഹർഷീനയുടെ തുടർ നടപടി. അതിന്റെ ഭാഗമായി അനിശ്ചിതകാല സത്യാഗ്രഹ സമരം ഇന്ന് അവസാനിപ്പിച്ചേക്കും. തീരുമാനം ഉച്ച്ക്ക് സമരപ്പന്തലില് പ്രഖ്യാപിക്കാനാണ് സമരസമിതിയുടെ ആലോചന. കൃത്യ വിലോപം കാണിച്ച ആരോഗ്യ പ്രവര്ത്തകരുടെ അറസ്റ്റ് ഉടന് ഉണ്ടായിരിക്കുമെന്നാണ് പ്രതീക്ഷിക്കുന്നത്.
പോലീസ് നടപടി കണക്കിലെടുത്ത് ആരോഗ്യ പ്രവർത്തകർ മുൻകൂർ ജാമ്യത്തിനുള്ള ശ്രമങ്ങൾ ആരംഭിച്ചിട്ടുണ്ട്. മെഡിക്കല് നെഗ്ലിജെന്സ് ആക്ട് പ്രകാരം രജിസ്റ്റര് ചെയ്ത കേസില് രണ്ടു വര്ഷം വരെ തടവ് ലഭിക്കാവുന്ന കുറ്റങ്ങളാണ് പ്രതികള്ക്കെതിരെ ചുമത്തിയിരിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.