പോഷകങ്ങള് ധാരാളം അടങ്ങിയ ഒരു ഡ്രൈ ഫ്രൂട്ടാണ് പ്രൂൺസ്. ഉണങ്ങിയ പ്ലം പഴമാണിത്. ആന്റിഓക്സിഡന്റുകൾ ധാരാളം അടങ്ങിയ ഇവയില് ഫൈബറും വിറ്റാമിനുകളും മിനറലുകളും ധാരാളം ഉണ്ട്. വിറ്റാമിന് എ, ബി, കെ, പൊട്ടാസ്യം, കാത്സ്യം, മാംഗനീസ്, പ്രോട്ടീന് തുടങ്ങിയവ അടങ്ങിയിട്ടുള്ള പ്രൂൺസിന്റെ ആരോഗ്യ ഗുണങ്ങള് എന്തൊക്കെയാണെന്ന് നോക്കാം…
ഫൈബര് ധാരാളം അടങ്ങിയ പ്രൂൺസ് ഡയറ്റില് ഉള്പ്പെടുത്തുന്നത് മലബന്ധം അകറ്റാന് സഹായിക്കും. ദഹനം മെച്ചപ്പെടുത്താനും വയര് വീര്ത്തിരിക്കുന്നത് തടയാനും കുടലിൽ നല്ല ബാക്ടീരിയകൾ വര്ധിക്കാനും നല്ലതാണ്. കാത്സ്യം, പൊട്ടാസ്യം, വിറ്റാമിന് കെ, ആന്റി ഓക്സിഡന്റുകള് തുടങ്ങിയവ ധാരാളം അടങ്ങിയ പ്രൂൺസ് എല്ലുകളുടെ ആരോഗ്യം സംരക്ഷിക്കാനും അസ്ഥികൾക്ക് സംഭവിക്കുന്ന ബലക്ഷയമായ ‘ഓസ്റ്റിയോപൊറോസിസ്’ സാധ്യതയെ തടയാനും സഹായിക്കും.
ഉണങ്ങിയ പ്ലം പഴമായ പ്രൂൺസില് അയേണ് ധാരാളമായി അടങ്ങിയിട്ടുണ്ട്. അതിനാല് ഇവ വിളര്ച്ചയുള്ളവര്ക്ക് ഡയറ്റില് ഉള്പ്പെടുത്തുന്നത് നല്ലതാണ്. ആരോഗ്യകരമായ കൊഴുപ്പും ആന്റി ഓക്സിഡന്റുകളും പൊട്ടാസ്യവും ധാരാളം അടങ്ങിയ പ്രൂൺസ് രക്തസമ്മര്ദ്ദത്തെ നിയന്ത്രിക്കാനും കൊളസ്ട്രോള്കുറയ്ക്കാനും അതുവഴി ഹൃദയാരോഗ്യം സംരക്ഷിക്കാനും സഹായിക്കും. പ്രൂൺസിന്റെ ഗ്ലൈസെമിക് ഇൻഡെക്സ് കുറവായതിനാൽ രക്തത്തിലെ പഞ്ചസാരയുടെ അളവ് ക്രമമാക്കാന് ഇവ സഹായിക്കും. ഫൈബറും ഇവയില് അടങ്ങിയിട്ടുണ്ട്. അതിനാല് പ്രമേഹത്തെ നിയന്ത്രിക്കാന് പ്രൂണ്സ് സഹായിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.