ദോഹ: ഖത്തർ എയർവേയ്‌സ് വിമാന ടിക്കറ്റ് നിരക്കിൽ ഇളവ് പ്രഖ്യാപിച്ചു. അവധിക്കാലത്തോടനുബന്ധിച്ചാണ് പ്രഖ്യാപനം. ഖസമ്മര്‍ സേവിങ്സ് ഓഫറിന്‍റെ ഭാഗമായി കുറഞ്ഞ എക്സ്ക്ലൂസീവ് ഡിസ്കൗണ്ടുകളില്‍ കൂടുതല്‍ അവധി ഓഫറാണ് ഖത്തര്‍ എയര്‍വേയ്സ് ഹോളിഡേയ്സ് പ്രഖ്യാപിച്ചത്. വേനലവധിക്കാലത്ത് നാട്ടിലേക്കും വിനോദസഞ്ചാരത്തിനും മറ്റുമായി വിവിധ രാജ്യങ്ങളിലേക്കും യാത്ര പോകാൻ ആഗ്രഹിക്കുന്നവര്‍ക്ക് ഈ പാക്കേജ് ഉപയോഗപ്പെടുത്താവുന്നതാണ്.
2024 മാര്‍ച്ച് രണ്ട് മുതല്‍ മാര്‍ച്ച് 31 വരെയാണ് ഓഫര്‍ കാലാവധി. ഈ കാലയളവിൽ ടിക്കറ്റ് ബുക്ക് ചെയ്യുന്നവർക്ക് യാത്രാനിരക്കിൽ ഇളവ് ലഭിക്കും. ഖത്തർ എയർവേയ്‌സ് തിരഞ്ഞെടുത്ത പാക്കേജുകളിൽ കിഴിവുകളോടെ പ്രത്യേക നിരക്കുകൾ വാഗ്ദാനം ചെയ്യുന്നു. ഇതുകൂടാതെ, മാർച്ച് 8 ന് മുമ്പ് ബുക്കിംഗ് ഉറപ്പിച്ചാൽ പരിമിത കാലത്തേക്ക് എക്സ്ക്ലൂസീവ് അധിക നിരക്ക് കിഴിവുകളും പ്രഖ്യാപിച്ചിട്ടുണ്ട്. QRHIS500 പ്രൊമോ കോഡ് സഹിതം ദോഹയിൽ നിന്ന് ജിസിസിയിലെവിടെയും യാത്രാ പാക്കേജുകൾക്ക് ഖത്തർ റിയാൽ 500 കിഴിവ്.
ജിസിസി ഒഴികെയുള്ള എല്ലാ ഇക്കണോമി ക്ലാസുകൾക്കും ‘QRHIS1000’ എന്ന പ്രോമോ കോഡ് ഉപയോഗിച്ച് 1000 റിയാലാണ് ഇളവ് നൽകുക. ജിസി.സി ഒഴികെ എല്ലാ രാജ്യങ്ങളിലേക്കുമുള്ള ബിസിനസ് ക്ലാസ് പാക്കേജുകൾക്ക് QRHIS1500 പ്രോമോ കോഡ് ഉപയോഗിച്ച് 1500 റിയാൽ ഇളവ് നേടാം. ഈ ഇളവുകൾ ലഭിക്കുന്നതിന് 2024 ഒക്ടോബർ 31നുമുമ്പായി യാത്ര ചെയ്യണം. നിബന്ധനകളും വ്യവസ്ഥകളും അനുസരിച്ച് ബിസിനസ് ക്ലാസ്, ഇക്കണോമി ക്ലാസ്, ജിസിസി ട്രാവൽ പാക്കേജുകൾ എന്നിവയുടെ പ്രോമോ കോഡുകൾ ഒരു ബുക്കിങ്ങിൽ പരമാവധി രണ്ടു പേർക്ക് മാത്രമേ ലഭ്യമാകുകയുള്ളൂവെന്ന് ഖത്തർ എയർവേസ് ഹോളിഡേയ്സ് അറിയിച്ചിട്ടുണ്ട്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
