കോഴിക്കോട്: കാട്ടുപന്നിയെ കൊന്ന് കറിവെച്ച് കഴിക്കുകയും ഇറച്ചി വില്പന നടത്താന് ശ്രമിക്കുകയും ചെയ്ത രണ്ട് പേർ പിടിയില്. തിരുവമ്പാടി പുല്ലൂരാംപാറ കാട്ടുപാലത്ത് സിറാജുദ്ദീന്(46), കൊടുവള്ളി വാവാട് കൈതക്കുന്നുമല് ഭരതന്(67) എന്നിവരാണ് പോലീസിന്റെ പിടിയിലായത്.
ഇവരുടെ ഒപ്പം ഉണ്ടായിരുന്ന ഒരാള് കൂടി പിടിയിലാവാനുണ്ട്. ഇയാളെക്കുറിച്ച് വ്യക്തമായ സൂചന കിട്ടിയിട്ടുണ്ടെന്ന് ഉദ്യോഗസ്ഥര് പറഞ്ഞു. കഴിഞ്ഞ ദിവസമാണ് സംഭവം നടന്നത്. കൊടുവള്ളി മാനിപുരം ഭാഗത്ത് വച്ച് രാത്രിയില് ഇവര് കാട്ടുപന്നിയെ പിടികൂടുകയായിരുന്നു. തുടര്ന്ന് പന്നിയെ കൊല്ലുകയും ഇറച്ചി പാകം ചെയ്ത് കഴിക്കുകയും ചെയ്തു. ഭരതന്റെ വീട്ടില് നിന്ന് ഇറച്ചി പാകം ചെയ്ത പാത്രങ്ങളും വില്ക്കാൻ വേണ്ടി ബാക്കി വന്ന പന്നിയിറച്ചിയും പിടികൂടിയിട്ടുണ്ട്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.