മുക്കം: എൻജിനീയറിങ് കോളജിന്‍റെ മൂന്നാം നിലയില്‍ കുടുങ്ങിയ പൂച്ചയെ സന്നദ്ധ പ്രവര്‍ത്തകര്‍ രക്ഷപ്പെടുത്തി. മണാശേരി കെഎംസിടി എൻജിനീയറിംഗ് കോളജിലെ മൂന്നാം നിലയിലെ സണ്‍ ഷേഡിലാണ് ഇന്നലെ പൂച്ച കുടുങ്ങിയത്.
പൂച്ചയെ മൂന്നാം നിലയില്‍ കുടുങ്ങിയ നിലയില്‍ കണ്ട വിദ്യാർഥികള്‍ “എന്‍റെ മുക്കം’ സന്നദ്ധ സേനയെ വിവരമറിയിക്കുകയായിരുന്നു. സന്നദ്ധ സേനാ പ്രവര്‍ത്തകര്‍ ഉടന്‍ കോളജിലെത്തി വടവും മറ്റ് സാമഗ്രികളുമായി രക്ഷാപ്രവര്‍ത്തനം ആരംഭിച്ചു.
ഇതെല്ലാം കണ്ട് പരിഭ്രമിച്ച്‌ പൂച്ചയെങ്ങാനും താഴേക്ക് ചാടുമോയെന്ന ആശങ്കയിലായിരുന്നു വിദ്യാർഥികള്‍. മൂന്നാം നിലയിലെ സണ്‍ ഷേഡിലേക്ക് കടന്ന സന്നദ്ധ പ്രവര്‍ത്തകരിലൊരാള്‍ പൂച്ചയെ വലയിലാക്കി. ശേഷം കയറുപയോഗിച്ച്‌ താഴേക്ക് ശ്രദ്ധയോടെ ഇറക്കി. താഴെ എത്തിയതും പൂച്ച ഓടി രക്ഷപ്പെട്ടു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
