കൂരാച്ചുണ്ട്: കിണറില്‍ അകപ്പെട്ട പോത്തിനെ പേരാമ്ബ്ര അഗ്നിരക്ഷാസേന രക്ഷപ്പെടുത്തി. കൂരാച്ചുണ്ട് ഓട്ടപ്പാലത്ത് ആക്കില്‍പുറായില്‍ പ്രകാശന്‍റെ വീട്ടില്‍ വളർത്തുന്ന പോത്താണ് ഇന്നലെ വൈകുന്നേരം സമീപത്തെ ഇരുപത്തഞ്ചടി താഴ്ചയുള്ള കിണറില്‍ വീണത്.
വീട്ടുകാർ വിവരമറിയിച്ചതിനെ തുടര്‍ന്ന് പേരാമ്ബ്ര അഗ്നിരക്ഷാ നിലയത്തില്‍ നിന്നും സീനിയര്‍ ഫയര്‍ ഓഫീസർ കെ. ബൈജുവിന്‍റെ നേതൃത്വത്തില്‍ ഫയര്‍ ആൻഡ് റെസ്ക്യൂ സംഘം സംഭവ സ്ഥലത്ത് എത്തുകയും ഓഫീസര്‍മാരായ എന്‍.എം. ലതീഷ്, എസ്.കെ. റിതിന്‍ എന്നിവര്‍ കിണറിലിറങ്ങുകയും
സഹപ്രവര്‍ത്തകരായ കെ. ശ്രീകാന്ത്, വി.കെ. ഷൈജു, ഹോംഗാര്‍ഡ് പി. മുരളീധരന്‍ എന്നിവരുടേയും നാട്ടുകാരുടേയും സഹായത്തോടെ പോത്തിനെ സുരക്ഷിതമായി പുറത്തേക്ക് എത്തിക്കുകയുമായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
