കുന്ദമംഗലം: കുന്ദമംഗലം താഴെ പടനിലത്ത് 146 ഗ്രാം എം.ഡി.എം.എയുമായി ഒരു സ്ത്രീ ഉൾപ്പെടെ നാലുപേർ പിടിയിൽ. മലപ്പുറം വാഴൂർ തിരുത്തി താഴത്ത് വീട്ടിൽ അബിൻ (29), പാന്തീരാങ്കാവ് അരുൺ (19), ഒളവണ്ണ ഒടുത്തിയിൽ അർജുൻ(24), പാലക്കാട് ഏഴക്കാട് കോങ്ങാട്ട് വീട്ടിൽ പ്രസീത (26) എന്നിവരെയാണ് ഡാൻസാഫ് സംഘവും കുന്ദമംഗലം പോലീസും ചോർന്ന് പിടികൂടിയത്. ഇവരിൽ നിന്ന് ലക്ഷങ്ങൾ വിലമതിക്കുന്ന എംഡിഎംഎ പിടിച്ചെടുത്തു.
എം.ഡി.എം.എ കൊണ്ടുവരുന്നതിനിടെ ഇവർ സഞ്ചരിച്ചിരുന്ന റിറ്റ്‌സ് കാർ കർണാടകയിൽ വച്ച് അപകടത്തിൽപെടുകയും പിന്നീട് ഇന്നോവ കാറിൽ റിറ്റ്‌സ് കാർ കെട്ടിവലിച്ച് കൊണ്ട് വരികയായിരുന്നു. പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ കുന്ദമംഗലം താഴെ പടനിലത്ത് വെച്ച് ഡാൻസാഫ് സംഘം കുന്ദമംഗലം എസ് എച്ച് ഒ ശ്രീകുമാർ, എസ് ഐ സനീത്, എസ് ഐ സന്തോഷ്, എസ് സി പി ഒ പ്രമോദ്, എസ് സി പി ഒ വിശോഭ്, ഡബ്ല്യൂ സി പി ഒ നിജില എന്നിവർ ചേർന്നാണ് പ്രതികളെ പിടികൂടിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
