കോഴിക്കോട്: കുറുനരിയുടെ കടിയേറ്റ് നാലുപേർക്ക് ഗുരുതര പരിക്ക്. അത്തോളി പഞ്ചായത്തിലെ മൊടക്കല്ലൂരില്‍ ആണ് സംഭവം. കുറുനരി വീട്ടില്‍ കയറിയായിരുന്നു ആക്രമണം നടത്തിയത്. പനോളി ദേവയാനി (65), ചിറപ്പുറത്ത് ശ്രീധരൻ (70), ഭാര്യ സുലോചന (60) എന്നിവർക്കാണ് പരിക്കേറ്റത്. ഇവരെ കോഴിക്കോട് ഗവ. മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
ദേവയാനിയെയാണ് ആദ്യം കുറുനരി വീട്ടില്‍ കയറി കടിച്ചത്. തുടർന്ന് ശ്രീധരൻ , ഭാര്യ സുലോചന എന്നിവരെയും കടിച്ചു. പിന്നാലെ ഇവരുടെ കരച്ചില്‍ കേട്ട് ഓടിയെത്തിയ സുരേഷിനെയും കുറുനരി ആക്രമിക്കുകയായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
