മാവൂർ: പ്രവാചകൻ മുഹമ്മദ് നബിയുടെ ജന്മദിനത്തിന്റെ ഭാഗമായി വിശ്വാസികൾ നബിദിനാഘോഷം സംഘടിപ്പിച്ചു. വിവിധയിടങ്ങളിൽ പള്ളികളുടെയും മദ്രസ്സകളുടെയും നേതൃത്വത്തിൽ ഘോഷയാത്രകൾ നടന്നു. ദഫിന്റെയും സ്കൗട്ടിന്റെയും മനോഹരമായ ഗാനങ്ങളുടെയും അകമ്പടിയോടെ വർണാഭമായ ഘോഷയാത്രകളാണ് നബിദിനാഘോഷത്തിന്റെ ഭാഗമായി വിവിധ ഇടങ്ങളിൽ സംഘടിപ്പിച്ചത്.
മധുരം നൽകി വിവിധയിടങ്ങളിൽ ഘോഷയാത്രക്ക് സ്വീകരണം നൽകിയിരുന്നു. മാവൂർ ഹിദായത്തുൽ ഇസ്‌ലാം മദ്രസ്സ കമ്മിറ്റിയുടെ ആഭിമുഖ്യത്തിൽ നബിദിനാഘോഷം സംഘടിപ്പിച്ചു. മാവൂർ പാറമ്മൽ മുഹിമ്മാത്തുൽ മുസ്ലിമീൻ മദ്രസ്സ, കൂളിമാട് തഇലീമുൽ ഔലാദ് മദ്രസ്സ, തേനായിൽ അഹ്ദൽ നഗർ ഹിമായത്തു ശുഹദ മദ്രസ, മുന്നൂര് അൻസാറുൽ ഇസ്‌ലാം മദ്രസ, മുന്നൂര് ഇർശാദിയ മദ്രസ്സ എന്നിവയുടെ ആഭിമുഖ്യത്തിലും നബിദിനാഘോഷം നടന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
