കുടലിന്റെ ആരോഗ്യം നമ്മുടെ മൊത്തത്തിലുള്ള ആരോഗ്യവുമായി വളരെ അടുത്ത ബന്ധമുള്ളതാണ്. ദഹനപ്രക്രിയ കൃത്യമായി നടക്കുന്നതിന്റെ പ്രധാന സൂചനകളിലൊന്നാണ് മലവിസർജ്ജനത്തിലെ ക്രമം.
ശരീരം പുറത്തുവിടുന്ന ചില സ്വാഭാവിക സൂചനകള് ശ്രദ്ധിച്ചാല് കുടലിന്റെ ആരോഗ്യനിലയെക്കുറിച്ച് പല കാര്യങ്ങളും മനസ്സിലാക്കാൻ സാധിക്കും. മലവിസർജ്ജനത്തിലെ മാറ്റങ്ങള് പലപ്പോഴും ചെറിയ അസ്വസ്ഥതകളായി തോന്നാമെങ്കിലും, ചിലപ്പോള് അവ ദഹനസംബന്ധമായ പ്രശ്നങ്ങളുടെയോ മറ്റ് ആരോഗ്യപ്രശ്നങ്ങളുടെയോ സൂചനകളാകാം. അതിനാല് ദിവസേനയുള്ള ശീലങ്ങളിലെ മാറ്റങ്ങള് അവഗണിക്കാതെ ശ്രദ്ധിക്കേണ്ടത് പ്രധാനമാണ്.
കുടലിന്റെ ആരോഗ്യം വിലയിരുത്താൻ ശ്രദ്ധിക്കേണ്ട പ്രധാന കാര്യങ്ങള് എന്തൊക്കെയെന്ന് നോക്കാം.ചിലർക്ക് രാവിലെ കാപ്പി കുടിച്ചാല് മാത്രമേ ടോയ്ലറ്റില് പോകാൻ സാധിക്കാറുള്ളൂ. എന്നാല് ഇത് ശരീരത്തിന്റെ സ്വാഭാവികമായ ദഹന പ്രക്രിയയല്ല. ഇവിടെ കാപ്പി ഒരു സ്റ്റിമുലേറ്റർ ആയി പ്രവർത്തിക്കുകയാണ് ചെയ്യുന്നത്. ശരീരം അതിന്റെ സ്വാഭാവിക താളത്തിലല്ല പ്രവർത്തിക്കുന്നത് എന്നതിന്റെ ലക്ഷണമാണിത്.
ഭക്ഷണം കഴിച്ചയുടൻ തന്നെ ടോയ്ലറ്റില് പോകാൻ തോന്നുന്നത് കുടലിന്റെ താളപ്പിഴകളെയോ അല്ലെങ്കില് പോഷകങ്ങള് ശരിയായി ആഗിരണം ചെയ്യപ്പെടാത്തതിനെയോ സൂചിപ്പിക്കുന്നു. ഭക്ഷണം കുടലിലൂടെ വളരെ വേഗത്തില് കടന്നുപോകുന്നത് കൊണ്ടാണ് ഇങ്ങനെ സംഭവിക്കുന്നത്. ഇത് ദഹനസംബന്ധമായ മറ്റ് പ്രശ്നങ്ങള്ക്കും കാരണമാകാം.നിങ്ങള് 2-3 ദിവസത്തില് ഒരിക്കല് മാത്രമാണ് മലവിസർജ്ജനം നടത്തുന്നതെങ്കില്, നിങ്ങള്ക്ക് വിട്ടുമാറാത്ത മലബന്ധം ഉണ്ടെന്നാണ് ഇതിനർത്ഥം. കുടലിലെ നല്ല ബാക്ടീരിയകളുടെ അളവിലുണ്ടാകുന്ന വ്യത്യാസമോ അല്ലെങ്കില് മോശം കുടല് ആരോഗ്യമോ ഇതിന് കാരണമാകാം.
വീട്ടില് നിന്ന് മാറി നില്ക്കുമ്പോഴോ അല്ലെങ്കില് ജോലിസ്ഥലത്തോ ആയിരിക്കുമ്പോള് പെട്ടെന്ന് ടോയ്ലറ്റില് പോകാൻ തോന്നുന്നത് മാനസിക സമ്മർദ്ദം നിങ്ങളുടെ കുടലിനെ എത്രത്തോളം ബാധിക്കുന്നുണ്ട് എന്നതിന്റെ തെളിവാണ്. സമ്മർദ്ദം ദഹന പ്രക്രിയയെ വേഗത്തിലാക്കുകയോ തടസ്സപ്പെടുത്തുകയോ ചെയ്യാം.
ദിവസവും ഒരേ സമയത്ത് തന്നെ മലവിസർജ്ജനം നടക്കുന്നത് മികച്ച ദഹനത്തിന്റെയും നല്ല കുടല് ആരോഗ്യത്തിന്റെയും ലക്ഷണമാണ്. നിങ്ങളുടെ മലവിസർജ്ജന സമയം കൃത്യമായി നിരീക്ഷിക്കുന്നത് ശരീരത്തിലെ മറ്റ് ആരോഗ്യപ്രശ്നങ്ങള് നേരത്തെ തിരിച്ചറിയാൻ സഹായിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
