ലുധിയാന: ഭാരത് ജോഡോ യാത്രയ്ക്കിടെ കോൺഗ്രസ് എംപി കുഴഞ്ഞുവീണു മരിച്ചു. ജലന്ധർ എംപി സന്ദോക് സിംഗ് ചൗധരി അന്തരിച്ചു. രാഹുൽ ഗാന്ധിക്കൊപ്പം നടക്കുന്നതിനിടെയാണ് കുഴഞ്ഞുവീണത്. ഹൃദയാഘാതമാണ് മരണകാരണമെന്നാണ് പ്രാഥമിക വിവരം. ഒരു ദിവസത്തെ വിശ്രമത്തിന് ശേഷം ലുധിയാനയിൽ യാത്ര പുനരാംഭിച്ചപ്പോഴാണ് കുഴഞ്ഞുവീണത്. ഉടൻ തന്നെ ലുധിയാനയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. രണ്ട് തവണ എംപിയും മുൻ പഞ്ചാബ് മന്ത്രിയുമാണ്. വാർത്തയറിഞ്ഞ രാഹുൽ ഗാന്ധി ഭാരത് ജോഡോ യാത്ര നിർത്തി ആശുപത്രിയിലേക്ക് പോയി. എംഎൽഎമാരായ റാണ ഗുർജീത് സിംഗ്, വിജയ് ഇന്ദർ സിംഗ്ല എന്നിവർക്കൊപ്പമാണ് രാഹുൽ ആശുപത്രിയിലുള്ളത്.
സന്ദോഖ് സിംഗ് ചൗധരിയുടെ നിര്യാണത്തിൽ പഞ്ചാബ് മുഖ്യമന്ത്രി ഭഗവന്ത് മാൻ അനുശോചനം രേഖപ്പെടുത്തി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
